¹ Amaulu yalatulisha ubuleme bwaba Lesa, nekusememba nako kulalanjisha imilimo iyakuminwe yabo! ² Utusuba natusuba tulalabila amashiwi; kabili amashikua namashiku yalalanjisha amano. ³ Tapili ukulabila, tapalipo umulapo; ishiwi lyabo ukumfwanika. ⁴ Umwesho wabo wafikilila pa calo conse icapanshi, nemashiwi ao nayo ukufika naku calo icipeleleko lukoso. umo mwine emo akabikile akasuba ing'ome. ⁵ Konse kali koti bakuupa ulu kufuma mu ng'anda yakwe ulukusangalala koti muntu uwamakosa ulukufwayo kubutuka ukwakwesha. ⁶ Ukufuma kwakwe alifumine ukupelele iulu, nekushingululele iyo; kabili tapalipo neli kantu akafiseme kucibe cakako. ⁷ Ukufunda kwaba yawe kuliwamine lukoso, kulabusha umutima, ukushimika kwaba Yawe kulukwikalilila, kulabalula abatumpile ati bamano. ⁸ Amafunde yaba Yawe yalilungeme, yalasangalasho umutima; ukubula kwaba Yawe kulitubile, kulatufya amenso. ⁹ Ukubatina ba Yawe kuliswetele, kulekalilila; ukusololola kwaba Yawe kwa cine, kulilungeme konse konse. ¹⁰ Nimfwailo iyakucila nape golide, icine nape golide, ulingi ilyakusubululwa bwino, kuli kwamise iyakucila napa buci napampuma shonse. ¹¹ Kabili kuli koko kusololola eko acenjeshiwa umuntu wany; mukukulama muli ukulambulwa ukukulu. ¹² Mbaninani uwishi ukufibwenesha ifyakubifya? Munsweshe kufibipile ifyakufiswa. ¹³ Munkanye ne muntu wenu ningesa kubifya ukwakulitota; mwisumina ati kwikale ubufumu pali nebo fyefyo nkabaminina. Kabili nkalukwikele upulukile kukululaisha ukukulu. ¹⁴ Amashiwi yamukanwa kanji nekwalakanya ukwamumutima wanji ngakube nimpokelo pamenso enu, mweba Yawe. Mwebwe lyanji, mwendubula yanji.