¹ Mubalumbanye ba Yawe, pakuti ciliweme ukwimba ishakubalumbanya kuli ba Lesa wesu, cilicakusangalasha, nekubalumbanya ciweme. ² Ba Yawe balebakuluka Yelusalemu balabanganya pamo abantu abapelangene aba ba Isilaeli. ³ Balatendulusha abatobaikile mitima nekukaka pa filonda fyabo. ⁴ balapenda utubangabanga, balapwla amashina kulito tonse. ⁵ Bashikulu besu bakuli kabili abacililemuma kosa, ukufumfwa kwabo tekuti kupimwepo. ⁶ Ba Yawe balasuntula abalepenshiwa balabwesha imbifi panshi kumushili. ⁷ Imbeni kuli ba Yawe nekupela ukwakutota.imbi ishakulumba kuli ba Lesa wesu nemwsela. ⁸ balafimba amaulu nemakumbi nekuteyanya imfula iya pa calo, ukulenga icani ukukula pa mapili. ⁹ Balapela ifyakulya ku finama nakubana baba cikwangala ili balila. ¹⁰ Tabasangapo ukutemwa mumakosa acifwalo, tasangalalapo mu mola amuntu aakosela. ¹¹ Ba Yawe balatemwa kulli babo aba bacinka, abali nekucetekela mu cipangano cabo mukucetekelwa. ¹² Balumbanyeni ba Yawe, Yelusalemu, balumbanye ba Lesa obe, Siyoni. ¹³ Pakuti balakosha ifiupindika pa milyango yobe, balashukisha abana pakati kobe. ¹⁴ Balaleta ukuya pantanshi mukati kamipaka yobe, balakwisusha na tiligu uwelelwebwino. ¹⁵ Balatuma ukuya amafunde abo ku calo ukutuma kwabo kulabutukisha. ¹⁶ Balapanga icime koti ni tonge, balapalanya icandwa koti ma toi. ¹⁷ Balasansasaila amabwe amfula koti tupe, nina ni uungamaka na kumpepo iibatuma? ¹⁸ Balatuma ukuya ishiwi lyabo nekufisungulula, ba panga kabesha ukupupa ne menshi ukukunka. ¹⁹ Balibilikishe ishiwi lyabo kuli Yakobo, ufyebo fyabo nekulungama kwabo kufunda kuli Isilaeli. ²⁰ Tabacitilepo ifyo ku mushobo uuli onse kabili koti nipafyebo fyabo,tabafishibilepo. Mubalemye ba Yawe.