¹ Mubalemye ba Yawe, ubalumbanye ba Yawe, we mweo wandi. ² Ndapela ukubalumbanya kuli ba Yawe mweo wandi onse, Nkemba ukulumbanya kuli ba Lesa wandi lyonae ili ncilipo. ³ Wibika ukucetekela kobe mubana ba mfumu neli nimumuntunshi, umo umutamulipo ukupuluka. ⁴ Ili umweo wa muntu wakupema wapuluka, alabwelela ku mushili; pakasuba kalya ukupinga kwakwe kwapela. ⁵ Mushikile ni uyo uujwete ba Lesa bakwa Yakobo paku mofwa kwakwe, uyo uuli nekucetekela muli ba Yawe ba Lesa bakwe. ⁶ Ba Yawe balilengele iulu ne calo, iniko, nafyonse ifilimo; balabona ukucetekela ukulingile ukwa nshiku shonse. ⁷ Balabona ukupingula ukuwemepabalepenshiwa nekupela ifyakulya kubaline nsala. Ba Yawe balakakula ba kaili. ⁸ Ba Yawe bakesula amenso ampofu, ba Yawe balemya peulu abo abena mishepanshi; ba Yawe balitemewe abantu abalungeme. ⁹ Ba Yawe balabacingilila abenafyalo mumpanga; alasuntula abatabakwete bawishibo naba fwililwe, sombi imbifi alashitalika. ¹⁰ Ba Yawe bakaleta inshiku shonse, ba Lesa wenu, Siyoni ukwa nkulo shonse. Balumbanyeni ba Yawe.