¹ Balumbanyeni ba Yawe. Lumbanyeni ba Yawe, mwebo mwe muli maulu; balumbanyeni, mwebo mwe muli umusuntukile. ² Balumbanyeni, mwense mwe nkalamba shakwe; mubalumbanye, mwense mwe mwikala nabo. ³ Balumbanyeni, wekasuba nawe mwenshi. Blaumbanyeni, namwe mwense mwetubongabanga ututufya. ⁴ Balumbanyeni, mwemaulu mwe mucililepo na mwebo mwemenshi mwe muli peulu lya mucelebela. ⁵ Filekeni filumbanye ishina lyaba Yawe, pakuti bali pelefunde, kabili fyalilengelwe. ⁶ Balifibikile kabili ukwa kubapo pee; balapela ukufunda ilyo ilitali kalikapo. ⁷ Balumbanyeni ukufuma mu calo, mwebo mwefinama ifikulu na fyonse ifikala panshi yamanika aakulu. ⁸ Umulilo nemabwe aaloka, icandwa nema kumbi, kabeshawacipupu ukwisishisha ishiwi lyabo. ⁹ Balumbanyeni, mwemapili netupili, ifitifyadisepo namwense mwe fiti, ¹⁰ mwe finama ifya mumpanga namwe mwe mutekwa ifilengelwe iifikalaba nefyuni. ¹¹ Balumbanyeni ba Yawe, mwe mfumu sha mu calo ne mishobo yonse, mwebana ba mfumu na bonse abateka pa calo. ¹² Bonse abalalume abaice ne banakashi abanike abakulileko ne bana. ¹³ Balekeni bonse balumbanye ishina lya ba Yawe, pakuti ishina lyabo lyenka lisuntukile nebuleme bwabo bulile ukucila icalo nemaulu. ¹⁴ Balisuntwile ukwimya isengo lya bantu ba babo pakuti ukulumbanya yjyfuma kuli bonse abakwe abalucetekelo.