¹ Peleni ukutota kuli ba Yawe, iteni pe shina lyabo, lengesheni imicito yabo ukwishibikwa pakati ka mishobo. ² Imbeni kuli bo, imbeni amalumbo kuli bo; labileni yonse imilimo iya kukankamana. ³ Tangaleni ishina lyabo u=iliswetele; lekeni imitima yabo abafwaya ba Yawe batemwe. ⁴ Fwayeni ba Yawe nemakosa abo, fwayeni ukubo neka kwabo ukwakutwalilila. ⁵ Langulukeni ifintu ifyakukanka musha bacitile; ifi mpelampela nekufunda ukufuma mukanwa kano. ⁶ Mwebo mwebakamufyalwa bakwa Abramu umubomfi wabo, mwebo mwebantu bakwa Yakobo, mwebasalilwe abakwe. ⁷ Niba Yawe, ba Lesa wesu; amashiwi abo ali pa calo conse. ⁸ Balalama muli kalango kabo icipangano cabo inshiku pe, ishiwi ilibalabile kufitentekwa amakana ⁹ Balalanguluka mukalango kabo icipangano ico icibapangile na Abramu nekulapa kuli Isaki. ¹⁰ Ifi efi asuminishe kuli Yakobo koti cakufunda nakuli Isilaeli koti cipangano ica penape. ¹¹ Kabalabila ati. " Ndinekukupela imanga ya Kenani koti cakukwabanyabo ica bupyani bobe." ¹² Balilabile ifili bali abanini lukoso mumpendwa; pano aba cepele, kabili bali besu mumpanga. ¹³ Balyendele ukufuma kimishobo naku mishibo kabili; balikalipile amabufumu nakububyakwe. ¹⁴ Tabasuminishepo uuli onse ukuba sakalansha; balikalipile amabufumu pamulandu wabo. ¹⁵ Kabalabila ati, tekwesha ukwikata abasubilwe bandi, kabili tekwesha ukubalwisha bakasesema bandi." ¹⁶ Baliletele insala pa mpanga; baliputwile ukufumyapo ukubapela shinkwa. ¹⁷ Balitumine umwalalume ukumutangishako; Yosefu balimushitishe koti mubomfi. ¹⁸ Amakasa akwe alikalilwe ne shackles; pa mukoshi wakwe pakakilepo inteneshi ya cela. ¹⁹ mpaka ifi balabila kafisa mukucitikak ishiwi lyaba Yawe lyalimweseshe. ²⁰ Imfumu yalitumine ababo mfimukumu kakula; kateka wa bantu ali mukakwile. ²¹ Limubile umukulu wamung'anda yakwe koti ni kateka w finkola nkolo fyakwe fyonse. ²² Ukubalanga abana ba mfumu kuto fintu alefwaya nekubasambilisha akalanga kabakulu. ²³ Pano Isilaeli kaisa mu Ijipiti, na Yakobo kaikala ukwakapinda mumpanga yakwa Hamu. ²⁴ Ba Yawe kabalenga abantu babo ukufula, kabili kabalenga ukukosa ukucila abalwani babo. ²⁵ Bali lengeshe abatwani babo ukubafitilwa abantu babo; ukuba kululusha ababomfi babo. ²⁶ Balitumine Mose, umubomfi wabo, na Aloni, uyo uubasalile. ²⁷ Balilangishe ifishibilo pakati kabena Ijipiti; ifya kupapa mu mpanga yakwa Hamu. ²⁸ Balitumine imfinshi nekulenga ilya mpanga ukufita, sombi abantu babo tabaumfwilile ukufunda kwabo. ²⁹ Balyalwile amenshi abo umulapo nekwipaya isabi lyabo. ³⁰ Impanga yabo yalisweilemo nababombwe, namufipinda fya bakateka wabo. ³¹ Balilabile, nebwingi bwaba lundhi nenda kafisa monse mu calo cabo. ³² Kabalu imfula mulubwetekese, pamo ne mulilo ukwaka pampanga yabo. ³³ Balyonaulwe imifaima yabo nefitifyamikunyu; balikonawile ifili fya mu calo cabo. ³⁴ Balilabile, nenshe shalishile; ishe ishakitu ubwingi. ³⁵ Ishe shalilile ukulilile ukushila fyonse fya kumenawe fyonse ifya mumushili. ³⁶ Bali penye bonse ababeli mumpanga yabo, ifisepo fya kutanga ifya makosa abo. ³⁷ Baliletele aba Isilaeli ukubafumya pamo na silufa na golide, tapalipo umo abo uwapamutundu uwalitutwile munshila ilibalenga. ³⁸ Abena Ijipiti balitemenwe ili bafumine baille pakuti abena Ijipiti bali nemwenso waku batina. ³⁹ Balitandabalikile ikumbi ilya kubafimba nekupanga umulilo uwakutufya ubushiku. ⁴⁰ Aba Isilaeli kabalomba ifyakulya, nabo kabaleta ba kwale kabili kabekutisha nashinkwa ukufuma kwiulu. ⁴¹ Balya benye ibwe, ne menshi kapokomoka ukufuma muli iyo, ka akubka mumpanga koti ni nika. ⁴² Pakuti kabalalanguluka ukulaya kwabo ukuswetele uko ukubalaile kuli Abrahamu umubomfi wabo. ⁴³ Balitangile abantu babo nekutemwa abasalilwe babo nekupilikisha ukwakukomeka. ⁴⁴ Balibapele impanga shaba mishobo; balipitile ififulo ifya buboni ubwa bantu ⁴⁵ pakeba ati bangalama ifyebo fyabo neke mfwila amafunde abo. Balumbanyeni ba Yawe.