1 Lumbanyeni ba Yawe, peleni ukutota kuli ba Yawe pakuti ba weme, pakuti icipano cabo icalucetekelo cilekalilila inshiku pe. 2 Ninani uungapendulula inicito yabo iya makosa iya ba Yawe meli kubilisha mukushisha imicito yonse iyelelwe ukubalumbanya? 3 Balishikile nibabo abacita ifilin filungeme, nababo abo imicito yabo impindi shonse ilungeme. 4 Ndangulukeni, mweba Yawe, ilimwalangisha ukutemwa kubantu benu, mungofwe ili mwabapulusha. 5 Pamo alinkabona ukunanka kwaba salulwile benu, sangalaleni mukutemwa kwa mushobo wenu, nelulumbi ne bupyani bwenu. 6 Twabifya koti fikolwe fyesu; twacita icilubene kabili twacita icibipile. 7 Bawishifwe tabatatelepo pamicito yenu iyakupapa mu Ijipiti; balisulile imicito yenu yingi iya cipangano calicetekelo; bali nibamwalika pa cinika, pacinika icikashikile. 8 Nangu abfyo, balibapulwishe pakuti peshina lyabo pakweba ati bangafisulula amakosa abo. 9 Balikapile icinikka icikashile, naco calyumine pamo balibatangilile ukuoita umushikile, panshi, ukupita mumawesa. 10 Balibapulwishe ukufuma mumpanga yababo ababapatile, kabili balibapulwishe ukufuma kukuboko kwabalwani. 11 Sombi amenshi ali bafimbilishe abalwani babo tapalipo neli umo uwa abukile. 12 Pano balicetekele amashiwi lyabo, kabili balimbile amalumbo abo. 13 Sombi kabalubako bwangu ifi bacitile; tabapembelelepo ifyakubalanga. 14 Pali fifyo balipelwe ifibaipwishe, sombi balitumine ubuklwele ububipile pali bo. 15 Mumpanga baliliopele kufyakufwaya fyabo kabili balyesesha ba Lesa mu mpanta. 16 Mucisasa bali balibelelenekaso kuli Moses na Aloni, bacikupile abaswetele aba ba Yawe. 17 Umushili walisukile nekumumina Datani nne kufimba abalekonka Abilamu. 18 Umulilo kuntukuka ukwima pakati kabo; umulilo walyocele imbifi. 19 Balipangile akana ka ng'ombe pa Olebu nekukatembele akabasungulwile kufyela. 20 Balishitishe ubuleme bwaba Lesa pacibumbwabuumbwa ica ng'ombe iyo iyilya icani. 21 Balibalubileko ba Lesa abakupulusha wabo, uyo wacicitile imicito iikulu mu ijipiti. 22 Balicitile ifintu ifiweme mu mpanga yakwa Amu ne micito iikulu pacinika ici kashikile. 23 Pano kabalabila ati bali nekubonaula - Moses nga, umusalilwe wabo, umwimakana mukubacingilila kuntanshi yabo, ukufumyapo ubukali bwabo ukufuma mukubonaule. 24 Pano balicobwele impanga iya fisepo; tabacetekelepo ukulaya kwabo. 25 Sombi kabalilishanya mufisasa fyabo, kabili taba umufwilile ba Yawe. 26 Pamwapo alimishe ukuboko kwakwe nekulapa kulibo ati alinekubaleka bafwe mu mpanta. 27 Ukupala nganya bakamufyalwa babo mumishobo, ukubapalanganya mumpanga shabwensu. 28 Balitembele baliwakupeo nekulya amalambo alipwlwe ku bafwile. 29 Balibasomeshe mukubalifya ku micito yabo mwalukawisa lakati kabo. 30 Pano Fineasi kema ukucilika, ne mwaluka ufumapo. 31 Calipendelwe kuli ye koti kucita kwabulungami kufitentekwa fyonse ukwa nshike pee. 32 Balikalifishe ba Yawe kabili pa mmenshi aku Meliba, na Moses kapenga pakuti pali bo. 33 Balimulengeshe Moses ukumfwa bubi, naye kalabila ifitafyali bwino. 34 Tabaonawilepo imishobo koti fintu ba Yawe babebele. 35 Sombi bali patanke ne nemishono nekusambilila inshilam shabo. 36 Nekutembela ululubi twabo, uto utwabele fiteyo kulibo. 37 Balipele amalambo abana baba abalalume nabana kashi kufibanda. 38 Balipokommweshe umulopa uwakubula umulandu, umulopa wabana balalume ne wabana banakashi, uyo uubapele amalambu kutulubi twabena Kenani, ukukowesha impanga ku mulopa. 39 Bali kwelele ku micito yabo; mu micito yabo balikoti bacencemeshi. 40 Pano ba Yawe balikalipile kubantu babo, kabili alibalabishe abantunbakwe. 41 Balibapele ku maboko iya aba mishobo, nababo ababapatile balibatekele. 42 Abalwani babo baliba penseshe, kabili bali letelwe mukubafwile amakosa abo. 43 Impindi ishingi baleisa mukubofwa, sombi balitwalilile ukwalukila kabili baliletelwe panshi pacibipile cabo abene. 44 Nangu cibefyo, balibomfwile mukupenga kwabo ilibaumfwile ukulila kwabo pakubofwa. 45 Balilangulukile icipango cabo nabo nekubo mfwila uluce pakuti pabutemwebwabo ubwakutwalilila. 46 Balilengeshe bonshe ababakomekele ukumfwa uluse palibo. 47 Tupulusheni, mwebo mweba Yawe, ba Lesa. Tubunganyeni ukutufumya pamishobo pakweba ati tungapela ukutota kwishina lyenu iliswetele nekumulemyeni mukumulumba nyenu. 48 Mweba Yawe, mweba Lesa bwakwa Isilaeli, nga mulumbwe ukufumaku muyayaya ukufika kumuyayaya. Abantu bonse kabalabila "Ameni ba Yawe ngabalumbanishiwe