¹ Ndapela ubuleme kuli ba Yawe ne mweo wandi onse, ba Yawe ba Lesa wandi, abacindamishi; balifwikilwe ubukulu ne bucindamishi. ² Mulalifimba mwene ukutuba koti fyakufwla; mulasalanganya ilu koti mulenda wankambi. ³ Mulemika ifimiti pa mwikashi bwenu mumakumbi; mulacita amakumbi ukube ingolofwana; mueenda pa mapeya ya mwela. ⁴ Mulacita umwela ukuba abamulonda, ne fyushi fya mulilo ababomfi benu. ⁵ Mwalibile umufolwa wa calo, eli tacikaseshiwapo umuyaya umuyaya. ⁶ Mwalifimbile calo ne menshi koti cakufwala ne menshi kayafimbi impili. ⁷ Ili mwayakalipile amenshi kayabwelela ku musowa wakubulukuta ya lyendeshe ukuya. ⁸ Ne mpili shalimine ne mikolwa yali pa nshi ku fifulo uku mwafisalile ukuba. ⁹ Mulicitile imipaka pali fyo pakwebati fikaculukilapo; mukufimba pa calo ukubwekeshapo. ¹⁰ Mwalipangile utumfukunkumfu kupongolokela mu mikolwa; ne tenika ukupongolokela pakati ka mpili. ¹¹ Filapela amenshi kunama sha mumabala; kumbongolosha mu mpanga mukupwisha icilaka. ¹² Mumbali yanika emo ifyuni fipangila umwakulala; filemba pakati ka fimpusa. ¹³ Alatapilisha mpili ukufuma kwiulu kubwikashi bwakwe mwiulu, ne calo ciliswelepo ne kisabo fya kubomba kwakwe. ¹⁴ Alalenga icani ukukula fya ng'ombe ne mbuto shakupela umwalalume mukulima, pakwe bali umwalalume kafumya ifya kulya fingi pa calo. ¹⁵ Eupanga imfaina iyakulenga umwalalume ukusangalala nr mafuta ayakumulenga ukuboneka uwelele, ne fya kulya ifyakusunga umweo wakwe. ¹⁶ Ne fimuti fya ba Yawe filapokela imfula iyi kulu; na cedar ifimuti fya Lebanoni ifi babyele. ¹⁷ Eko ifyuni fipangile ifinda umwakulala, na Stork cilapangila icinsa kucimuti Sipless apakwikala. ¹⁸ Ne fipomo imbushi filekala peulu wa mpili; ne butali bwa mpili ekubekama ifima hyraxes. ¹⁹ Alisalile umwenshi ukupatula impindi ne kasuba nako impindi yakwendelamo. ²⁰ Mulacita imfishi ukuba ubushiku ili ifinama fya mumpanga fifumina panse. ²¹ Ne twana twankalamo tulalili ne kupwaya ifya kulya ukufuma kuli ba Lesa. Ili ²² akasuba katula tulabwelela mukulala mu memba umo tulala. ²³ Na bantu nabo balaya mukumbo ne kucucutika ukufika icingulo bushiku. ²⁴ Ba Yawe, boneniko ubwingi bwamilimo! Umuli amano aya mwabumbile yonse; mwebene ne calo cili fushishe imilimo yenu. ²⁵ Kulyo ukutali kui cishiba, cilule panshi ne kufunguluka mubwipi, mukati ka cishiba muli ifibumbwa ifilekenelekene ifinini ne fikulu. ²⁶ Icombo cilenda, mulya umuli ifi ma Leviathan mwenka mulya, ifimwalengele ukusala mucishiba. ²⁷ fyonse ifi fililoleshe kuli mwebo mukutekanya pakwebati mufipele ifya kulya mumpindi yafiko. Ili mwafipela fyo, filabungana. ²⁸ Ili mwaisula ukuboko kwenu filekuta. ²⁹ Ili mwaifisa icinso cenu, filacushiwa; ili mwafumyapo ukupema kwafiko, filafwa ne kubwelela ku lukungu. ³⁰ Ili mwatuma umupashi wenu, filabumbwa ne kubwekeshiwamo ubwikashi bwapacibasa. ³¹ Lekeni ukutemwa kwaba Yawe kutwalilile; lekeni basangalale mufibumbwa. ³² Ngabalolesha panshi pa calo, cilasubawa; ikli baikata pa mpili shila futumuka. ³³ Nkabembila ba Yaw ne mweo wandi onse; nkabembila ishikushinshimuna ba Lesa wandi ili ncili mubwikashi bwandi. ³⁴ Lekeni amalangulushi yandi yabe ayalowele kulibo; nkasangalala muli ba Yawe. ³⁵ Lekeni ababifya, bashililile ukufuma pa calo na bonse bacita ifibipile bekabapo. Nkashishimuna ba Yawe ne mweo wando onse.