¹ a mupeleni ubuleme ba Yawe ne mweo wa ndi onse, nafyonse ifili pali nebo, namupeleni ubuleme ba Yawe kukusweta kweshina lyenu. ² Na mupeleni ubuleme ba Yawe ne mweo wandi onse, ne kwibukisha ifiwame fyonse. ³ Utubelela inkumbu kufya kufibipile fyenu; eutuposha amalwele yesu yonse. ⁴ Eubwesha imyeo yenu ku nindi eutufwika ukumfwana ukuweme ukwamukwila nekucita inkumbu. ⁵ Alamwikusheni mu myeo yenu nefintu ifiweme. Eli mubulumbwana bwenu mubwekeshiwemo koti ni kwashi. ⁶ Ba Yawe bakacita ifintu ifiweme nekucita umulinganya kuli bababo abasulilwe. ⁷ Alilengele inshila shakwe ukwishibikwa kuli Mose, ne mibele yakwe kuli bakamufwalwa abena Isilaeli. ⁸ Ba Yawe bali ne nkumbu ne bune mukucelwa ukukalipa nekubalikosa mukumfwana ne kuciba iciweme. ⁹ Takankanshapo liumuyaya neli ukukalipa ukutwalilila. ¹⁰ Ye tatukonkashapo fyepo koti kubifya kwesu tacita neli ukutubwesesha ifibipile ifintu fwaya. ¹¹ Pakuti fyeka ifili amakumbi mwiulu apotaliukufuma pa calo efili ukukula kuli abo abomfwewa mukwimya ishina lyakwe. ¹² Intafu yakufuma kumutale suba ne kuya ku mbonsai, efili ne ntafi bafumisheko kumubele yakubifya kwesu. ¹³ Fyeka ifif umufya akweta inkumbu pabana banwe, efi na ba Yawe bakwate inkumbu kuli abo abemya ishina lyabo. ¹⁴ pakuti alishi ifi twabumbilwe; ne kwishiba ati twalifumine kulukungu. ¹⁵ Ku mwalalume, inshiku shakwe shili koti cani alaboneka koti liliba mu mabala. ¹⁶ Umwela nga wapupa pali co, cilapintwa eli takulipo neli umo ungalabila apo camenene. ¹⁷ Sombi ukumfwana ukuweme ukwaba Yawe kwa muyaya ne muyaya kuli babo abemya ishiwi lyabo, ne bulungami bwabo bukaba bakuli bakamufwalwa babo. ¹⁸ Balasunga ukufwana nekwibukisha kunakila ne kukonka amafunde. ¹⁹ Ba Yawe balipampamika icipuna cabo icabufumu mwiulu, ne bufumu bwakwe bulateka bonse. ²⁰ Citeni ubuleme kuli ba Yawe, mwenkalamba, mwebabulamba bonse mwebamakosa citeni ishiwi lyakwe, mu nakile nekumfwa umusowa weshiwi lywakwe. ²¹ Peleni ubuleme kuli ba Yawe, monse mwemabumba, mwebabomfi mwebacita ukufwaya kwawe. ²² Peleni ubuleme kuli ba Yawe, monse mwefibumbwa fyakwe, mufifulo fyonse ifyaleka. nkapela ubuleme kuli ba Yawe umweo wandi onse.