¹ Bushe nshipo umukakulukile? Bushe nshipo uwakutulisha? Bushe shamubwenepo Yesu shikulwifwe? Bushe tamulip[o emwe nkito yanda muli Shikulu? ² Kani nshipo uwakutulisha kuli bambi kuli mwebo kwena ekondi. Pakuti emwe bulukubelako ubushimikishi bwandi muli bashikulu. ³ Ekuilabilila kwanji kubalukufwaya ukumpe-milandu. ⁴ Bushe tatukwetepo insambu ishakulya ne kunwa? ⁵ Bushe tatukwetepo insambu shakwenda nebakashi bamubwananyina, koti fintu bacita abatumwa banesu, nabamunyina babashikulu, na Kefa? ⁶ Neli ni Barnabasi nande tatukwetepo insambu ishakuleka ukubomba? ⁷ Pano citando icilukuifwaila ifyalulwilako? Ninani uulukulima ibala lyamfaina nekubula ukuswako ifisepo? Neli uulukwembela umukuni wakwe nekubula ukunwako umukaka kuli o? ⁸ Bushe ndukulanda ififintu umubelele amakosa yamuntu? Bushe amalango nayo tayalukulabila koti nififi? ⁹ Pakuti fililembelwe mumafunde akwe Mose, ''Ing'ombe iilukukula inganotekuikaka kukunwa.'' Pano fyacine ati ning'ombe eshiba yawe balukusakamana. ¹⁰ Talukulabilapo kuli fwebo? Calilembelwe kuli fwebo, pakuti uyo ulukulima alukulima nekucetekela, nauyo ulukulula alukukululula alucetekela ukusombola. ¹¹ Nga kani twabwala ifyamupashi muli mwebo, tacili icipubile ukusombola fyenu ifyamubili kuli mwebo? ¹² Kani bambi bakumako kuli uku kukakuluka ukwapali mwebo, tekubanako sana? Sombi tekulu kuipenda. Pano kulukukosa muli fyonse ukucila ukuba koticakucinga icebo iciweme icakwa Klistu. ¹³ Bushe tamungeshiba ati abo ababomba inkito mwitempuli balukulya ifyamwitempuli? Elitamungeshiba ati abo abalamaicintamba balakumako kumulambu wapa cintamba. ¹⁴ Efifyo, bashikulu baebaati abo abakufikilisha imila iiweme balinekusanganamo utwakwikalilamo mumbila iweme. ¹⁵ Sombi nshabombeleko kuli fifi tau. Neli ukulemba ati fikacitike ifintu palinebo koku. Pakuti cililingile kulinebo ukufwa ukucila ukuleka umuntu alule icakulyumfishapo candi caluke icalukoso! ¹⁶ Pakuti kani nashimika imbila iiweme, tacilipo cakulitakishapo, pakuti ndinekucitefyo. Nebulanda kuli nebo kani nshishimikepo imbila iweme! ¹⁷ Pakuti kani ndukucitefi ukwakulitemenw, ndinecilambi. Sombi kani ndukucitefi ukwakubula ukutemwa, ndukupelwa lukoso inkito. ¹⁸ Pano icilambu canji cindo? Nicico ndukushimika, ndukushimik imbila iiweme ukwakubula ukushitisha tekufika ukwapelela amakosa ayandi nayo mumbila iiweme. ¹⁹ Pakuti nangabaati ndiumukakulukile kuli bonse, ndimupyungishi kuli bonse, pakufwaya ukongola abenji. ²⁰ Kuba Yuda nalibele koti mu Yuda, pakufwaya kongola abayuda. Kubamalango nalibele koti mwina malango pakufwaya kongola abena malango, neli nshipo mwina malango nemwine. ²¹ Kuli babo abashakwatapo amalango, nalyalwike koti wakubula amalango, neli nshipo uwakubula amalango yakwa Lesa nemwine, sombi mumalango ya kwa Klistu. Nalicitilefi pakufwaya ukubongula abakubula amalango. ²² Kuba nakukile nalibele umunakukile, pakufwaya ukuongola abanakukile. Ndyalukile fyonse ifintu kubantu bonse, pakuti impulushe bambi. ²³ Ndacite fintu fyonse pamulandu wambila iiweme, pakuti inkumeko kwipalo. ²⁴ Bushe tamwishipo ati umwakubutukila abakubutuka balabutukila pamo, sombi enka umo eupoka icilambu? Epapo lapukeni mukupoke cilambu. ²⁵ Uyo onse uulukupilikita kufyakwangala alalyalulula kufintu fyonse. Balukucitefi mukupoke icitebo camabula icibonsa, sombi fwebo tulukucitefi mukupoka icitabonsapo. ²⁶ Efifyo efindukulapuka, koti kulapuka lapuka, ifi efindukulwa, koti niuyo uulukupama umwela. ²⁷ Sombi ndukututaula umubili wandi nekuufinya, pakuti ilinashimika kuli bambi, nebo nemwine ningesa kukanwa.