¹ Pano pakuti pafya kulya: Tulishi ati fwense tuli kwete amano. Amano alatutumusha sombi ubumemwe bulebaka. ² Kani umo alanguluka ati alishi fintu, uyo muntu tangeshiba koti fintu angeshiba. ³ Kani umbi atemwa ba Lesa, uyo muntu ali shibikilwe naye. ⁴ Panwefyo, pamulandu wakulya ifyakulya: Tulishi ati akalubi muli ci calo tapapo ifi kali kabili tapali Lesa sombi umo. ⁵ Nangaba ati kani kwali abo abale itwa tulesa, nangu ni mwiulu nangu pa calo (koti fintu kuli "tulesa'' kabili natu ''Shikulu'' utwingi), ⁶ sombi kuli fwebo kuli Lesa umo lukoso, Tata ukufuma ifintu fyonse kabili uyo umuntwikalila, kabili Shikulu umo Shikulu Yesu Klistu, ukupitila muli uyu ifintu emo fibobele. ⁷ Nangucibefyo, ayamano talipo muli onse, mucifulo cafifyo, bambi kunuma uku balecita ukupepa utulubi, kabili balalya ififyakulya koti pambi pali ifi fili ukusangululwa ku tulubi utulango twabo tuli kowelele pakuti balinakile. ⁸ Sombi ifyakulya tafikatufishepo kuli ba Lesa. Tatulipo babipile kani tatulyapo, nangu cinga wama kani tunga cilya. ⁹ Sombi cenjeleni ukwebati ukukakuluka kwenu takubele emulandu uwa umo uunakile muluceto kelo ukulitutula. ¹⁰ kani uyo umbi akabona, uukwete ako akalango, ukulya, icakulya mwitempuli lyatulubi. Kani akalango kakwe akanakile kamulengesha ukulya icipelwelambu ku tulubi? ¹¹ Pakuti pamubelo wenu uwakumfwa pamulandu wa tulubi, umunakile, umukwasu uyo Klistu afwilile, aonaika. ¹² Panwefyo kani wa bifisha umukwanu kabili ne langulushi lyabo ili nakile, wo bifya kuli Klistu. ¹³ Panwefyo kani ifilyo fya tutwisha umukwasu, nshikalyapo na kabili inama, ukwebati nshilengeshe umukwasu ukuwa.