¹ Pano ukulingana ne cebo ici mwalembele: ''Chiliciweme umwalalume ukutekala umwanakshi.'' ² Sombi pamulandu wakweshiwa pamicitoya lunkumbwa, umwalalume onse alingile ukuba ne mukashi uwakwe, ne mwanakashi onse abe nemulume wakwe. ³ Umulume alingile ukwisushisha incito yake iya nsuna iya cupo nemukashi wakwe, kabili munshila intu imo umukashi kumulume wakwe. ⁴ Temwanakashi uukwete ubukulu pamu bili wakwe, mulume wakwe. Munshila intu imo, umulume takwete ubukulu pa mubili wakwe umwine, sombi mukashi wakwe. ⁵ Mwitanana yo, sombi kani pali icalanga icamubelo wabana mayo lipangaba ukumfwana kabili pakapindi aka lingile. Mucite ici pakuti muli pelemwebene ku matembelo. Eli mungobwela pamo kabili, ukweba ati Satana emutunka pakuti tamukwete amakosa aakuliteka. ⁶ Sombi ndelabila ifi ifintu kuli mwebo koti cakumwafweni kabili tecefunde. ⁷ Ngacaliweme kani umuntu onse ali koti fintu ndi. Sombi onse ali nebupe ubwakwe ukufuma kuli ba Lesa. Umo ali nemubelo wabupe, naumbi nao umbi. ⁸ Kuli babo aba labopile nakuli ba mukamfwila nalabila ati ciweme kuli bo kani balikele ukubula ukupwa, koti fintu ifi ndi. ⁹ Sombi kani teti babe nekulikanya, balingile ukupa. Caba bwino bo ukupwa ukucila ukupya nensuna. ¹⁰ Pano kubopile napel ilifunde te nebo, sombi ba Shikulu-umukashi talingile ukufuma kumulume wakwe. ¹¹ (Sombi kani afuma kumulume wakwe alingile ukwikala ukwakubula ukupwa namgu aye bomfwane nemulume wakwe), nemwalalume talingile ukulekana ne mukashi wakwe. ¹² Sombi kubashala nalabila-Ine, teba Shikulu-ati kani umbi mukwabesu ali ne mukashi uutasuminepo kabili kani asumina ukwikala naye, talingile ukumuleka. ¹³ Kani umwanakashi ali ne mulume uutasuminepo, kabili kani asumi na ukwikala naye talingile ukuleka. ¹⁴ Pakuti umulume uutasuminepo abikwa pambali pakuti pa mukashi wakwe, nemukashi uutasuminepo abikwa pa mbili pakuti pa mukwabesu. Epali abana benu bakaba abatabasweshiwepo, sombi muine babikwa pa mbali. ¹⁵ Sombi kani abatabasumine bapatukana, amuleke aye. Mumilandu ilikoti niiyo, umukwabesu neli inkashi tabakakilwe ku filayo. Balesa bali twitile ukwikala mu mutende. ¹⁶ Pakuti mulishi shani, umumwanakashi, kani ukapulusha umulume obe? Nangu ulishishani, wemwaume,kani ukapulusha umukashi obe? ¹⁷ Nangu cibe fyo, koti nififyo ba Shikulu bapele umo umo ulubalilwakwe, nga umu umo endeketi kwitwa kwa kuli ba Lesa. Uku ekufunda kwandi amakelesha onse. ¹⁸ Kani umo ali sembulwile ili aitilwe ku kusumina? Talingile ukuba neka uwakubulwa ukusembululwa. Kani imbi tasembululwile ili aitilwe ku kulucetekelo? Talingile ukusembululwa. ¹⁹ Pakuti temukusembululwa nangu mukubula ukusembululwa tapali ecikul. Icilinebukulu kumfwila ama funde aba Lesa. ²⁰ Umo umo alingile ukwika mubwite ubwa umo ili ba Lesa ba mwitile mukusumina. ²¹ Kani mwali abasha iliba Lesa bamwitile? Mwisakamana pali cico. Sombi kani mungaba abakakulukile ico mucite. ²² Umbi uwaitwa naba Lesa koti musha uyo eukakulukile muli ba Shikulu. Munshila intu imo, uyo wali uukokulukilwe ili ba mwitile mukucetekela emusha wa ba Shikulu. ²³ Mwebo mwalishitilwe ne mutengo pano mwiba abasha ba bantu. ²⁴ Mweba kwasu, munshila yonse abe lelemo ili aitilwe, umuntu onse ngaekale naba Lesa. ²⁵ Pano kuli ba moye, nshikwetepo ifunde ukufuma kuli ba Shikulu, sombi ndepe langulushi lyanji koti nioyo umo uuli neluse lwa ba Shikulu cililingile ukucetekela. ²⁶ Pali fifyo, nalanguluka ati pamulandu wabusanso ubuleisa, cilibwino umwaume ukwikala koti intu ali. ²⁷ Kani uli kakilwe kumukashi? We fwaya ukulekana. Kani ulikakulukile ku mukashi wifwaya umukashi. ²⁸ Sombi kani waup, taubifishe kabili kani moye aupwa, tabifishepo. Sombi abo abacita bakaba ne mapenshyo ayengi ayabukumo, kabili ndefwaya mufumyeko kuli kuku. ²⁹ Sombi ici nalabila, mwebakwasu: Akapindikacepo. Ukufuma pali ba kumonekuya ku ntanshi, nga cibe kuli babo abali nebakashi bekale koti tapapo. ³⁰ Abo abalila bacite koti tabalelila kabili aba lesangalala koti tabalesangalala, nababo abaleshila koti tabakwetepo neli cine, ³¹ kabili abo abapyungisha icalo tabalingile ukucita ukufikapo. Pakuti icalo mumubelo wa ciko cikafika ku mpela ³² Nd fwaya ukweba ati mube aba kakulukile ukufuma kukusakamana. Umwalalume uutaopile ali sakamene ifya ba Shikulu ifi ba nga musangalasha. ³³ Sombi umwalalume uupile alasakamana ifintu ifya mucalo ifilangasalasha umukashi wakwe- ³⁴ alya banikile. Umwanakashi uutopilwe na moye balisakamene ifintu fya ba Shikulu, ifi anga lipatula ku mubili nakumupashi. Sombi umwanakashi uupile alasakamana umulume wakwe. ³⁵ Nalabila ifi pamulandu wenu, kabili neli kubikapo ifya kukosha pali mwebo. Nalabila ifi pafintu ifilungeme, ukweba ati mubike amano kuli ba Lesa akwakubula ukonalwa. ³⁶ Sombi umbi nga taungile bwino buna cisungu bwakwe ne mucinshi-kani ali cilile pa myaka yakupwa kabili ngacibe ifyo-alingile ukucita ifi anga fwaya. Talebifyapo. Balingile ukupa. ³⁷ Sombi kani ali makene uukosele mumutima wakwe, kanitapo mukutitikishilwa sombi anga lilama, kabili afwaya mumutima wakwe ukucita ic, ukulama icisungu cakwe, aka cita bwino. ³⁸ Uyo waupwa mulibunacisungu bwakwe acita bwino. ³⁹ Umwanakashi alikakilwe kumulume wakwe ili alinemweo. Sombi kani umulume wakwe afwa alikakulukile ukupwa kuli onse uwatemwa, sombi lukoso muli ba Shikulu. ⁴⁰ Pano mubupingushi bwanji akasangalala kani aikala koti ali kabili ico na languluka nebo ndi ne Mupashi waba Lesa