¹ Kani umbi ali necebo icakutosha ne mubyakwe, kani angafwaya ukuya kwisolololo kubantu abatabalungeme ukucila ukuya ku bantu bakwa Lesa abalungeme? ² Tamwishi ati abantu bakwa Lesa abaswetele bakasololwesha abamucalo? Kani lomba mukapingula icalo, kanshi mwebo tamwelelwe ukusolololo imilandu iicepele? ³ Tamwishi ati tukapingula inkalamba? Mbokucilapo, lomba, tekuti tupingule imilandu iya mumweo uno? ⁴ Kani lomba muli nekucita ubusololweshi ubo ubukumine ku mekalilo aya mpindi nindo mubikila iyo imilandu koti ni yiyi kuli babo abataba kwecimakano mwikelesha? ⁵ Nalabila ifi kuli mwebo kunsoni shenu. Tapapo pali mwebo uwamano bwino uu nga pwisha ukupusano pakati kabana bankashi? ⁶ Pano umo mukwabo atwala umukwabo ku cilye kabili ci kutitanshi ya bataba cetekele! ⁷ Icine cakwebati mwabapamo nemukwanu iilukale uukomekelwe kuli mwebo. Nindo lomba tekupenga icilubene? Nindo lomba mwasuminisha mwebene ukutumpaikwa? ⁸ Sombi mwebo mwebene mulacita ifi lubene kabili mulabepa, kabili mulaciteci kubakwabenu! ⁹ Tamwishi ati abatabalungeme taba kapyana ubufumu bwaba Lesa? Mwitumpaikwa. Abamubo wabucencemeshi, abafi bumbwa bumbwa, abecende, ababifya mubutantule, aba abacita ukubifyanya abalalumenebalalume, ¹⁰ bakabwalala, bapumpunta, bacakolwa, abandimi shibili, kabili abakupokolola-tapali pali babo abakapyana ubufumu bwa ba Lesa. ¹¹ Ifyo efyalibambi abapali mwebo bali. Sombi muli sweshiwe, mulilungeme, muli samfiwe mwishina lyaba Shikulu Yesu Klistu kabili ne Mupashi uwaba Lesa. ¹² ''Fyonse fintu filifyefunde kuli nebo,'' sombi tefyonse fingangafwa. ''Fyonse fintu fili fyefunde kuli nebo,'' sombi nshikatangililwa pali yo. ¹³ ''Ifyakulya fya kapafu, kabili nekapafu pafyakulya,'' sombi baLesa bakafifumyapo fyonse fifibili. Umubili taubelepo pakatipa mubo wabucencemeshi. Mucifulo ca fyefyo umubili uli belepo paliba Shikulu, kabili naba Shikulu ba kapela pa mubili. ¹⁴ Balesa pamo balimishe ba Shikulu kabili bali nekutubusha mumakosa yabo. ¹⁵ Tamwishi ati imibili yenu fulundwa fya kwa Klistu? Ningabula shani ifilundwa fya kwa Klistu nekufilunda kwiulu? Tekuti cibefyo. ¹⁶ Tamwishibililepo ati uyo uwakumi nkana neule abaumubili umo naye. ¹⁷ Sombi uyo walilunda kuli ba Shikulu aba umupashi umo naye. ¹⁸ Butukeni mufume kumubo wabucende ububi! ubucitwa nentu buli kunse yamubili, sombi umubo wa bucencemeshi alabifya ku mubili wakwe umwine. ¹⁹ Tamwishi ati umubili wenu litempuli lya Mupashi Uuswetele, uyo uwikala muli mwebo, uyo uumukwete ukufuma kuli ba Lesa? Tamwishi ati tamulibelele mwebene? ²⁰ Pakuti mwalishitilwe ne mutengo. Panwefyo lemyeni ba Lesa nemibili yenu namumupashi wenu, uyo uubele kuli ba Lesa.