¹ Twalyumfwile mpupo ati pali ubucencemeshi pakati pali mwebo, umusango wabucencemeshi ubutabusuminishiwepo napabena fyalo: Umwalalume ukulalane bakashi baba wishi. ² Mwalilota! Tekuti mulile mucifulo cafifyo ukweba ati uyo uwacitile ico ica kucita engafumishiwa ukufumapo pali mwebo? ³ Pano pakuti nshipo namwebo kumubili, epo ndi mumupashi. Napela kale ubupingushi pali oyo uwacitile ci, koti pambi eko nali. ⁴ Ili mwabungana mwishina lyaba Shikulu Yesu kabili ndi na mwebo mumupashi kabili ne makos aba Shikulu Yesu epo ali, ⁵ bikeni uyumwalalume kuli Satana pakonala umubili, ukweba ati umupashi wakwe ungapulushiwa pakasuba kaba Shikulu. ⁶ Ukutangalakwenu takuwemepo. Tamwishipo ati oposhi umunini alatutumusha shinkwa onse? ⁷ Liwamyeni mwebeni kuli oposhi wakale ukweba mungaba icakukandila icabukumo, icakubula icitutumushi, koti fintu fyo muli. Pakuti Klistu, umulambuwesu uwamuciliko, alibele mulambu. ⁸ Pano ngatusefye icitenge, ukwakubula na oposhi uwakale, oposhi uwa mubo uubipile kabili necibipile. Mucifulo cafifyo, ngatusefye na shinkwa uwakubula icitutumushi mulibucine kabili mucine. ⁹ Nalemba kuli mwebo munkalata yanji ukubula ukukumankana ne bantu abamubo wabucencemeshi. ¹⁰ Temunshileyo na alwile abantu abamibo lya mucalo, nangu abali temenwe, nangu bakupokolola, nangu bakulemya ifi bumbwa bumbwa, pakuti ukwikala ukufuma kulibo mwalefwaikwa ukuya ukufuma mucalo. ¹¹ Sombi ino mpindi ndelemba kuli mwebo ukubula ukukumankana na onse uyo uwitikwa umukwabenu sombi uyo alekala mulunkumbwa lwa bucencemeshi, nangukabukulu, nangu uwafibumbwa bumbwa nagu wa lwefyo wa matuka, nangu wakukolwa, nangu wakupokolola. Mwikalya nao icakulya uyo uulifyo. ¹² Pano nabamo shani nebo mukupingula abo abali kunse ye kelesha? Mucifulo cafifyo, tamuli mwebo bakupingula abo abali mukati kekelesha? ¹³ Sombi ba Lesa balapingula abo abali panse. Fumyeni umuntu umubipile ukufuma pakati kenu.''