¹ Ifi efi umuntu alingile ukuba kuli fwebo, koti ba pyungishi ba kwa Klistu kabili ba kalama bafishinka ifif fiseme ifya ba Lesa. ² Pano ififlefwaikwa kuli bakalama nififi balasangwa bantu aba kucetekelwa. ³ Sombi kuli nebo cintu icinini ica kebwa na mwebo nangu kubupingushi ubwa muntu onse, pakuti nshilipingulapo nemwine nenka. ⁴ Pakuti nshishipo umulandu onse uungapelwa kuli nebo, sombi ico tacile pilibula ati na ebwakubula umulandu. Woyo uungampingula nebo niba Shikulu. ⁵ Panwefyo nshilelabilapo ubupingushi pacili conse ili mpindi taingafika, ili ba Shikulu taba ngesa. Akaleta apatubile ifintu fyonse ifi fiseme ifilimumfinshi nekufisulula ififya citilwe ifyamu mutima. Eli onse akapokelela icakumutota ukufuma kuli ba Lesa. ⁶ Pano, mweba kwasu, nalecita aya mafunde kuline ne mwine na Apolosi pa mulandu wenu, ukweba ati ukufuma kuli fwebo mungasambililako ubupilibulo bwa filelabilwa, ''Mwiya ukucila pafintu ifi lembelwe. ''Ifi efifyo ukweba ati pebapo neli umo uwakweba ekusheiwe mukusuntula umo ukucila umubye. ⁷ Pakuti uubona ubupusano pakati pali mwebo na bambi? Nifindo ifi mukwete ifyo ifi tamupokelepo? Kani mulicipokele, nindo mulitotela koti tamungacipoka? ⁸ Kale mulinafyonse ifimufwaya! Kale mulibele ba nonshi! Mwalitatikile ukuteka-kabili fyo ifilekene na fwebo icine. Chalilingile ati mwemuteke ukweba ati tuteke pamo na mwebo. ⁹ Pakuti ndelanguluka ba Lesa balitubikile batumikishi pakutubika koti bakupelako mukutantika, mukupekanya kabili koti balalume abapingwilemfwa. Twaba bakulolesha ko ku calo-ku nkalamba naku bantunshi. ¹⁰ Fwebo tulifipuba pamulandu wakwa Klistu, sombi mwebo mwabane mano muli Klistu. Fwebo tuli banakile, sombi mwebo muli kosele. Mwabikwa muku cindikwa, sombi fwebo mukupufiwa. ¹¹ Ukufika pali kako kampindi tuli ne nsala ne cilaka, twafwikwa ukwakupenga, twapumwa, kabili tatukwete nemanganda. ¹² Twapyunga ukukosele, nekubomba ne maboko esu. Ili twa shobolwe fwebo tulashukisha. Ili twa penshiwa, tulashipikisha. ¹³ Ili twatukanwa, tulalabila neluse twaba koti fya kuposwa ifya calo kabiliifili nefiko ifyafintu fyonse. ¹⁴ Nshilelemba ififintu fyonse ukumulenga insoni, sombi ukumusopesha koti bana banji abantemenwe. ¹⁵ Nangu ati mulikwete amakana ikumi abakumulama muli Klistu, tamukwetepo bawishinwe abengi, sombi ndibele wishinwe muli Klistu Yesu ukupitila mucebo. ¹⁶ Pano ndemukoselesheni ukubakutenteka nebo. ¹⁷ Emulandu na mutumineni Timoti, umwana uuntemenwe kabili uwa lucetekelo muliba Shikulu. Akamulangulusheni inshila shandi muli Klistu, koti fintu nshisambisha konse kabili namu makelesha onse. ¹⁸ Pano bambi pali mwebo baba nekuli tukumuna, ukulecita koti pambi nshikespo kuli mwebo. ¹⁹ Sombi ndi nekwisa mwebo bukumo, kani ba Shikulu ba temwa. Eli nkeshiba telukoso amashiwi ababo abali tukumuna, pano nkabona amakosa abo. ²⁰ Pakuti ubufumu bwaba Lesa tabubapo mu mashiwi sombi mumakosa. ²¹ Findo mulefwaya? Ningesa kuli mwe nenkoli nangu nebutemwe kabili mu Mupashi uwa kulicefya?