¹ Pano nebo mweba kwasu, tekuti ndabile kuli mwebo koti bantu aba ku mupshi, sombi muli fyo koti ba ntu bakumunefu, koti nikubana banini muli Klistu. ² Nali mulishisheni amandil, tefyakulya ifikosele, pakuti tamwali bambile pali fifyo; napali ino mpindi tamungalibambila. ³ Pakuti mucili abakumunefu, pakuti apo apa ubukwa nenkondo, filipali mwebo, kanshi tamwikele ukulingana ne mubili, tamuleenda nemubelo wa buntunshi? ⁴ Kani umbi alabila, ''Nebo ndakonka Paulo, umbi naye Nebo nda konka Apolosi,'' kanshi tamuli lukoso bantunshi? ⁵ Kanshi Apolosi ni nani? Nga Paulo ninani? Abapyungishi ukupitila muli uyo mwasuminemo, koti fintu ba Shikulu bapele ifyakucita kuli umo umo. ⁶ Nalibyele na Apolosi katapilisha sombi ba Lesa lipele ukufikusha. ⁷ Panwefyo, neli niuyo uwa uwabyala neli uwatapilisha talunecintu. Sombi niba Lesa aba pela ukufikusha. ⁸ Pano uyo uwabyala nauyo uwa tapilisha bali umo, naumo aka akapokelela amalipilo akwe ukulingana ne kubomba kwakwe. ⁹ Pakuti fwebo tuli pamo bapyungishi ba ba Lesa. Mwebo muli balalyaba Lesa, icikulwa caba Lesa. ¹⁰ Ukulingana nkumbu shaba Lesa isho ishi bapele kuli nebo koti mukulu wakwibaka uusambilile. Nalibikile umufulwa kabili naumbi kwibakapo peulu. Sombi umuntu ngacenjele uuleibakapo. ¹¹ Pakuti tapalipo neli umo uungabika umufulwa ukucila uyo uwabikilwe, uyo uuli ni Yesu Klistu. ¹² Pano kani umbi aibaka pamufulwa ne ngolide, nasilifele, nemabwe aamukwebo, neli fiti, neli cani, neli fishinga fya cani, ¹³ imilimo yakwe ikafisuluka, pakuti akasuba kakafisulula. Pakuti ikafisulukila mumulilo. Umulilo uksha ifi ulipali fifyo cila umo acitile. ¹⁴ Kani umulimo wamuntu umbi washala, akapokelela icilambu; ¹⁵ sombi kani umulimo wamuntu umbi wapya, akapenga mukulufya, sombi umwine akapuluka, koti kupuluka ukupitila mu mulilo ¹⁶ Twawishi ati muli matempuli ab Lesa kabili ati Umupashi waba Lesa ulekala muli mwebo? ¹⁷ Kani umbi aonaula itempuli lyaba Lesa, Lesa akonaula ulya muntu, pakuti itempuli lyaba Lesa liswetele, kabili fyo nimwebo. ¹⁸ Mwileka umuntu neli umo alitumpaike umwine enka, kani umo pali mwebo lnguluke ukuba uuli nemno muliino nkulo, ngalibike ukuba ''icipuba'' ukweba ati abene mano. ¹⁹ Pakuti amano amuli cino calo kutumpa na ba Lesa. Pakuti cililembelwe, ''Aikata uwamano mukucenjela kwabo.'' ²⁰ Nakabili ati, ''Ba Shikulu balishi ati ukwalakanyakwa wamano kwalukoso.'' ²¹ Pakuti pali uyu mulandu, mwileka neli umo alitutumune mu bantu. Ifintu fyonse fyenu, ²² nangaba ni Paulo, nangu Apolosi nangu ni Kefasi, nangu calo, nangu mweo, nangu nimfwa, nangu fintu ifilipo, nangu fintuifi kesa. Ifintu fyonse fyenu, ²³ kabili mulibakwa Klistu, kabili Klistu waba Lesa.