¹ Ili naishile kuli mwe, mweba kwasu. Nshaishilepo ne kupuba kwa mashiwi neli ne mano koti fintu nafisulwile bucine ubufiseni ubwaba Lesa. Finini ifikulu kabili netwempapulo utwakale utwaba elo utwapendelwe, koti fintu nde ndebilisha icebo ica pali ba Lesa. ² Pakuti nalifwaile ukubula ukwishiba ili nali pakati kenu sombi Yesu Klistu, kabili uyo uwatanikilwe. ³ Kabili nali namwebo mukunaka, namukutina, kabili namukututuma. ⁴ Kabili ne cebo namukubila kwandi takwali ne mashiwi aaku patikisha aamano. Muciulo cafyefyo, ali nekumulangilila kwa Mupashi kabili aa makosa. ⁵ Pakweba ati ukucetekela kwenu kwisa kuba mumano ya bantunshi sombi mumakosa aba Lesa. ⁶ Pano tulalabila amano pakati kabakulu, sombi taali mano aa mulicici calo neli abatekeshi ba nkulo ino abo abalepita. ⁷ Sombi tulalabila mano aba Lesa mu cine icifiseme amano aafiseme ayoba Lesa baishibishe ilitainga fikankulo pakuti pabuleme bwesu. ⁸ Tapapo neli umo umutekeshi uwampindi ino acumfwikishe ngaba bali cumfwikisha ucumfwikishishe, ngataba tanikilepo Shikulu uwabaleme. ⁹ Pano koti fintu ifi cile mbelwe ''Tapapo ishiso ili cibwene, tapapo ukutwi ukucumfwile, tapalipo umutima wa bantunshi uucalakenyepo ifi ba Lesa baba bambile abo abbatemennwe''- ¹⁰ Sombi ba Lesa bafisulwile ifi fintu kuli fwebo ukupitola mu Mupashi. Pakuti umupashi uleshiba ifintu fyonse, nafifyo ifili mukati panshi ifintu ifyaba Lesa. ¹¹ Pano uungeshiba amalangulushi amuntu sombi Umupashi wamuntu muli ye? Pano nafifyo, tapapo neli umo uwishi ifintu ifya ba Lesa sombi Umupshi waba Lesa. ¹² Pano tatwapokelepo Umupashi wa calo sombi Umupashi uwa ku fuma kuli ba Lesa, ukweba ati tungeshiba ifintu ifyabule ifipelwekuli fwebo naba Lesa. ¹³ Tulafilabilapo ifi fintu mumashiwi ifitafi sambilishiwepo ne mano abuntunshi sombi nemupashi, ukwalula ifintu ifyamupashi ku bantu aba mupashi. ¹⁴ Umuntu uutalineMupashi tapokelelapo ifintu ifili fya Mupashi wa ba Lesa, pakuti fyofyalukoso kuli ye. Tekuti afyumfwepo pakuti filiswile mo Umupashi. ¹⁵ Uyo uuline Mupashi alapinau la ifintu fyonse, sombi tapingulwapo na bambi. ¹⁶ ''Pakuti ninani uungeshiba akalango kaba Shikulu; ukweba ati angabeba ifyakucita?'' Sombi lulikwete akalango kakwe Klistu.