¹ Nshilukufwayapo mebo ukwishiba, bamunyinefwe, ukwebaati bawishifwe bonse bali munshi yekumbi nekupita bonse mucishiba. ² Bonse balibishiwe kuli Mose mumakumbi namucishiba, ³ nakambi bonse baliliile fintu fimo ifyamupashi. ⁴ Bonse balinwine ifyakunwa fintu fimo ifyamupashi. Pakuti balukunwa kucilibwe camupashiiclukubakonka, neco icilibwe ni Klistu. ⁵ Sombi abengi muli babo tabamukindikilepo Lesa, pakuti tatulukukumbwa ifyabumbifi koti intu bakumbilwe. ⁶ Nomba ififintu filebele fyakubwenako kuli fwebo, pakuti tatukumbwa ifyabumifi koti fintu bakumbilwe. ⁷ Pakuti tekuba abakupepa ifimumbwa mumbwa kotifintu bali bambi. Koti fintu cilembelw ati, ''Abantu balikalile ukulya nekunwa lukoso, nekulukwangalisha.'' ⁸ Lomba twilukukitapo ubukende koti fintu abenji bamulibabo bakitile. Kubushiku bumo, amakana amakumi yabili nayabili yabantu balifwile pakuti pali fifi. ⁹ Lomba tekulukwesha ba Klistu, koti fintu balukukita abegi abamuli babo nekonaulwa kunsoka. ¹⁰ Lomba tekulukulilishanya, koti fintu bacitile abengi abamuli babo nekubonaula kuli malaika wamfwa. ¹¹ Lomba ififintu fyalukubacitikila balya koti cakubwenako fwebo. Fyalilembelwe pakuti tusambilileko fwebo ukushila kwampindi iinenene. ¹² Pakuti pali fifyo uulukulabila ati alimakene mukukosa alalicenjesha umwine pakuti engawa. takupo icakwesha icilukumusendanya fyenka ifya muntuutu. Lomba ye wakine. ¹³ Takamulekepo mwe mukulukweshiwa ukucilapo pakulemiwa. Namukweshiwa akateyanyenshila iyakufuminamo, pakulukushipikisha. ¹⁴ Pakuti pali fifi, mwebatemwikwa banji, lapukeniko kukupepa ifimumbwa mumbwa. ¹⁵ Ndukulabila kuli mwebo koti dukulabila kubali ne kalango, Sololeni ifindukulabila. ¹⁶ Inkomeki yamapa iitula, tafili kwampana kwakwa Klistu? Shinkwa iitulukukumaula, tafili kwampana nemubili wakwa Klistu? ¹⁷ Pakuti palibele ikipinswa kyashinkwa cimo, nangabati tuli abange tuli umubili umo. Pakuti bonse tulukukumako kuli shinkwa bonse. ¹⁸ Boneni ulutambi lwakwe Isleali mubutu, bushe abalukulya amalambo tebabo abali apepi necintamba? ¹⁹ Ndukulabila shani? Icimumbwa mumbwa fintu? Neli ifilyo ifilukupelwa kufimumbwa mumbwa fintu fimbi? ²⁰ Sombi ndukulabila ifi abakutumpaika balukukita,pakuti balukupela ifintu ifi kufibanda nekutalukubapa ba Yawe. Pano mwe tekulukwampana nefibanda! ²¹ Tekulunwena kunkomeki yaba Shikulu nenkomeki yafibanda. Tekulukulilapo petebulo lyabashikulu netebulo lyafibanda. ²² Neli tubalengeshe bashikulu akaso? Bushe tulikosele ukwakucilabo? ²³ ''Lomba fyonse filibele fyakusuminisha,'' sombi tafilipo fyakwafolesha. ''Fyonse filibele fyakusuminisha,'' sombi talipo nifyonse ifilukukula umuntu. ²⁴ Tekulukuifwaila icakwe umuntu umwine. Sombi, onse afwaile umubyakwe icintu. ²⁵ Mulukulya fyonse ifilukushitishiwa pacisankane ukwakubuka amalangulushi. ²⁶ Pakuti ''Isonde lyabashikulu, nekwisula kwacito.'' ²⁷ Kani uwakubula kucetekela amwita mukulya ifilyo naye, namwe mulukufwayokuya, mukalye fyonse ifi bakamupeleni abakubulo kulanguluka. ²⁸ Sombi kani umuntu amwebni ati, ''Ifi filiipailwe ifimumbwambwa,'' mwikalyapo, pakuti pali uyo uwamubuleni napamulandu ne malangulushi. ²⁹ Pano ilangulushi ilinukulabila talipo lyobo sombi lyamubyobe. Pakuti ubuntungwa bwangi bulukusololwa shani kwilangulushi lya muntu umbi? ³⁰ Kani nalyako nekutota, nindo ningatukilwa pali fifyo ifindbilile ukutota? ³¹ Lomba, ili mulukulya ndi mulukunwa mulukucita fyonse ifintu mukubacindika balesa. ³² Tekuba punwisha aba Yuda neli kuba Giliki, neli kwikelesha lyaba Lesa. ³³ Munshila intu imo ndafwaisha ukubomfisha bwino bonse abantu mufintu fyonse. Shilukuifwailapo iciweme, sombi ifyo ifyacinabwinji. Ndacitefyo pakwebaati bapuluke.