¹ Mulempashanya nebo, koti nifyefyo nanebo ndukupashanya Klistu. ² Lomba nebo ndemutoteni mwane pakuti mwebo mulukujibukisha mufili fyonse. Nanebo ndemutoteni pakoti mulakonka nelutambi koti nifyefyo nalupeleni kuli mwebo. ³ Lomba ndefwaya mwishibe ukwebati umutwe wamwalalume onse ni Klistu, kabili nemwalalume mutwe wamwanakashi, ne mutwe wa kwa Klistu ni Lesa. ⁴ Umwalalume onse uulukupepa napamo uulukusesema alifwilka kumutwe alenga umutwe wakwe insoni. ⁵ Sombi umwanakashi onse ulukupepa eli nekusesema alilifimbwile kumutwe alenga umutwe wakwe insoni. Pantu alikoti niuyo umwanakashi basempelako umushishi. ⁶ Pakuti umwanakashi kani tafimbilepo kumutwe cawama asempuleko ne mushishi wakwe wine. Ngakani cansoni umwanakashi ukuputula umushishi neli ukusempulako, cawama kuliye ukulukufimba kumutwe. ⁷ Umwalalume ena talinjilepo ukulifimba kumutwe, pakuti yee ali bumbilwe mucipasho caba Lesa kabili ebukata bwakwe. Sombi umwanakashi ebukata bwamwalalume. ⁸ Pakuti umwalalume tafuminepo kumwanakashi. Lelo umwanakashi ukufuma kumwalalume. ⁹ Nekuba umwanakashi tapanjilwepo umwanakashi. Lelo, umwanakashi ali panjilwe umwalalume. ¹⁰ Napali uyu mulandu umwanakashi ali lijile necakubwenako cakulanga ukulicefya kumutwe wakwe, pamulandu wabanjeli. ¹¹ Lelo, mulishikulu umwanakashi ekuti abepo ukwakubula umwalalume, fyenkefyo n mwalalume tekubapo ukwakubula umwanakashi. ¹² Pakuti nemwanakashi naye afumine kumwalalume fyenkefyo ne mwalalume afumine kumwanakashi. Ne fintu fyonse fyafumine kuli Lesa. ¹³ Mulipingule mwebene: Bushe chiweme kumwanakashi ukupepe kuli Lesa ukwakubulo ukulifimba kumutwe wakwe? ¹⁴ Bushe tacilipo catifyalwa lukoso ico icilikusambishaukwebati umwalalume ali elelwe ukukwata umushishi uutali cansoni kuli yee? ¹⁵ Bushe icifyalilwa cimusambilisheni kwebati kani umwanakashi abanemushishi uutali camucinshi kuli yee? Pakuti umushishi wakwe eo bamupele ukwebati ulukumupela icakulifimba kumutwe. ¹⁶ Sombi kani umuntu alukufwaya ukukana palwafifi, fwebo tatukwetepo ulutambi lumbi, nangu fye macaliti yakwa Lesa. ¹⁷ Sombi mumashiwi ayakukonka, nshile mutoteni mwane. Pantu tepakucite iciweme mulonganina sombi mukufibipile. ¹⁸ Pakuti pacatulanga cabe, nalulyumfwa ukwebati eli mwaisa pamo kukulongana kumapepo, kulaba ukupusana pakati kenu mwebo, kibili nalisumina ukwebati fimo pafinaumfwa fyatine. ¹⁹ Pakuti amalekano yafwile ukubako muli mwebo, pakuti abasambile abene bene bshibikwe muli mwebo. ²⁰ Pakuti ili mwaisa nekulongana pamo, kukulya icakulya camulalilo wakwa Shikulu. ²¹ Pakuti eli mwalya umo naumo abalilepo ukulya icacungulo. Bamo bekala lukoso nensala bwaka, bambi nabo balakolwa necakunwa icikola. ²² Bushe tamulipo nemananda yakulilamo nekunwinamo? Nalimo bushe mulukusula icilonganino cakwa Lesa ndi ukulengeshe insoni kuli babo abatakwetepo neli kamo? Ndabile shani kuli mwebo? Bushe mutoteni mebo? Muli fifi nshamutoteni mwebo! ²³ Pakuti ico napokelele kuli ba Shikulu eco namushilile mwebo, ica kuti ba Yesu ba Shikulu, mubushiku kabalobeleni nimo, babulilile umukate. ²⁴ Kabili panuma yakutembele nekutotela, aliubulile nekumokala nekulabila, uyu mukate cimpashanya camubili wanji, uulepeelwa pamulandu we. Muluku citefi pakunanguluka.'' ²⁵ Acitile cimo cine nakuli kapu ilyo apwaukulya umulaalilo, alilabile, uyukapu cipangano cabukumo pamulandu wakalubula wanji. Mulukucitefi yonse mpinji pakuti onse ulo ulumwanwa, citenifi pakunanguluka nebo.'' ²⁶ Pakuti ulo lonse ulumwanwa nekulya shinkwa muli uyu kapu, ninshi mulelabila imfwa ya ba Shikulu akasuke akaluluke. ²⁷ Eico, onse uwalya shinkwa napamo uwanwa kuli ka[pu yaba Shikulu mumubelo uutalinjile akapelwa umulandu kumubili nekulikalubula waba Shikulu. ²⁸ Umuntu abalilepo ukulicefya umwine enka, kani alilinjile ukulyako kulishinkwa nekunwa kuli kapu. ²⁹ Pakuti kuli uyo ulukulya ne ulukunwa ukukwakubulo ukulicefya ne kulibona umwine nemubili wakwe aliletela ubupingushi umwine enka. ³⁰ Emulandu wine ebenji muli mwebo babela abanacile kabili abatatendulucilepo, nabambi balifwile. ³¹ Sombi kani cakwebati talelilama fwebene, tekuti tulipingulwepo. ³² Sombi ili twakupingulwa kuli ba Shikulu, tulapilibulwa ukutipuminwapo pamo nabali mucalo. ³³ Lelo, mwebakwasu abalalume, ilyo mwalongana kukulya, umulalilo mulikupembelana umo nemubyakwe. ³⁴ Umuntu kani aliketwe nensala, alyekwabo, pakwebati mwipingulwa pamo. Nefishelepo ifintu fimbi ifilembelwe, Nkalujika ili nakubwela.