¹ Pafyabupe fyakumupashi, mwebakwasu nshilukufwayapo ukwebati mwishibisheni. ² Mulishibile ukwebati ili mwali abena fyalo, mwalukutungilulwa ne tulubi utushalukulandapo, mushila ili yonse iyi twamitwalenimo. ³ Nipapo ndukumibuleni takupo umuntu ulabila Mumupashi waba Lesa ka ebati, "Yesu achushiwe.'' Takupo neli umo ungalabila ati, ''Yesu ni Mfumu ni uyo uli MUmupashi. ⁴ Kuli ifyabupe ifinji, sombi umupashi umo. ⁵ Kuli makelesha ayenji, sombi Imfumu imo; ⁶ kuli imilimo iyinji iyakusebesha, sombi niLesa uumo wine uusebensha monse. ⁷ Nipapo kuli bonse kuli pelweko lubali lwakumupashi kubunonshi bwafyonse. ⁸ Pakuti kuli uumo kulipelwe Umupashi wachifyalilwa, nakuli uumbi ishiwi lyakalango kumupashi umo wine. ⁹ Na kuli uumbi kuli pelwe icishinka Umupashi uumo wine, uumbi naye alipelwe ifyabupe kuposha ne Mupashi umo wine. ¹⁰ Kuli uumbi kuli pelwe uwafipapwa fya kubomba, na kuli uumbi ubusesemo. Na kuli uumbi kuli pele uwakusabulula imipashi, kuli uumbi kwishiba imilaka iyinji kuli uumbi kwishiba ukwilula imilaka. ¹¹ Fyonse fi milimo yamuntu uumo ne Mupashi, uupela ifyabupe kuli cila umo ne fyasalile. ¹² Pakuyi umubili umo ulikwete ifilundwa ifinji nafyonse fi filundwa fya mubili umo, eficili na Yesu. ¹³ Pakuti ku Mupashi umo ekofwense twaibishiwe mumubiliumo, babe bayuda neli aba Giliki, babe bsh neli bali lukoso, fwense twalinwine ichakumupashi umo. ¹⁴ Pakuti umubili tepo cilundwa cimo, sombi finji. ¹⁵ Pakuti kulu kwaebati, ''Apo shilipo nine kuboko, shili cilundwa chamubili,'' tacipo efyo lelo cilundwa cimo kumubili. ¹⁶ Neli ukutwi kwalabilati ''Pakuti nshili ne linso, shilipo icilundwa chamubili,'' tacilipo efyo fyonse filundwa fyamubili. ¹⁷ Ngachakwebati umubili oonse wali linso, ngapano umupashi wakumfwilako ngaulipe? Neli umubili oonse wali kutwi nga umupashi wakumfwilako ubweema ngaulipi? ¹⁸ Sombi Lesa alisalile cilundwa cimo muli fyonsemumubili kuli ngana na mapange yakwe. ¹⁹ Ngachakwebati ifilundwa fyonse fyali cimo bushe umubili kuti wabashani? ²⁰ Nipapo lomba ifilundwa finji, sombi umubili uumo. ²¹ Ishiso talingalabilapo kukuboko, ''ukwebati nshillukukufwayap.'' Neli umutwe ukweba ukulu ati, ''Shilekufwayapo.'' ²² Sombi ifilundwa fya mubili ifilukuboneka ifinachil nafyo ili lukoso, ²³ ne filundwa fyakumubili ifitusanguluchila ukwebati tafikwetepo ubuleme, tulafipela ubuleme, nafilya ifitatwimakaninako ifilundwa tulafilemya. ²⁴ Nafifilya ifitwimininako ifilundwa tafifwayapo ubuleme. Epapo, Lesa alipiliwile umubili, ukupela ubuleme ubukulu bwakwimya filya ifitabukwetepo. ²⁵ Alicitileci ukwebati pebapo umusobolwela mumubili, sombi ifilundwa fyonse fikwate imbela iimo iine ne kubombela pano. ²⁶ Kani icilundwa cimo casomenwa, fyonse filundwa ninshi fyasomenwa kani cimo chapelwa ubuleme, fyonse ifilundwa ninshi fya saangalala pamo. ²⁷ Monse muli mubili wakwa Yesu Klistu kabili cila umo iclundwa chauko. ²⁸ Ba Lesa balisontela mukelesha abakubalilapo batumwa, ababili bakasesema, ababutatu abasambishi, nababo abacita fisungusho, abakwete fyabupe fya ku ndapwa, nababo abofwelesha, nababo abacita imilimo ilyakwikatana, nababo abakwete indimi shingi shakulabila. ²⁹ Bushe bonse batumwa? Neli nibakasesema? Neli basambishi? Neli ba fisungusho? ³⁰ Bushe bonse balikwete fyabupe fyabundapishi? Bushe bonse balalabila mundimi? Bushe bonse balelula imilaka? ³¹ Fwayilisheni ifikulu ifyabupe. Sombi ndukumulangeniko iyi wene nshila.