¹ Pano ndukufwaya chishibike kuli mwebo, mwendume, imbila iweme ina shimikile kuli mwebo, imwapokelele kabili paliiyo imwa iminainapo, ² kabili kuliyo imwapulukileko, kani mwaikatilila makosa kumbila inashimikile kuli mwebo, sombi kani mwasumine apalukoso. ³ Pakuti nalipele kuli mwebo koti chakutanga ichiweme chicho ichanapokelele nandibu, ukweba ati Yesu Klistu alifwilile pakubifya kwesu ukulingana ne malembo, ⁴ pali fyefyo alishikilwe, nalifyefyo alibukile pabushiku ubwa kulenga shitatu ukulingana nemalembo. ⁵ Klistu kabonekela kuli Kefasi, nakabili kuli babo abali ikumi limo nababili; ⁶ kabili kabonekela kubenji ukuchila imwanda isano yandume pampindi inyu imo. Abenji balibachili abalabi, sobibambi bali ponene mutulo. ⁷ Eli abonekele kuli Yakobo, elina kuli bonse abatumikishi. ⁸ Ichakupelako palifyonse, kabonekela kuline, koti niuyo ufyalwa akapopo. ⁹ Pakuti ndi wakupelako pabatumikishi. Inshilingilepo ukwitwa umutumikishi pakuti nachushishe itempuli lyakwa Lesa. ¹⁰ Sobi kukusenamina kwaba Lesa ndi ifindi, kabilinekusenamina kwakwe mulinebo takulipo kwalukoso. Napalichecho chalilengele ukubombesh ukuchila bonse, sombi nshiliponine kusenamina kwakwa Lesa icho ichilinanebo. ¹¹ Napali checho kani nine tulisha nangulanibo, fifyo ifi tutulisha kabili efifyo ifimwasumine. ¹² Pano kani Yesu alishimikilwe atiniuyo uwabikile ukufuma kubafwile, nindo bambi mwebo mu labilila ati takwabapo ukubuka ukufuma ku bafwile? ¹³ Sombi kani takwabapo ukubuka kwaba fwile, nishi kanshi na Klistu nga tabukilepo; ¹⁴ kabili Klistu ngatabukile, ninshi ne kutulisha kwesu kwalukoso, nechitetekelo chenu chalukoso. ¹⁵ Napali checho, tungasanganwa bakambone ababufi palwakwa Lesa, pakuti twalipele ubunte ukuti Lesa alibushishe Klistu ukufuma kunfwa. Sombitamubushishepo, kani chine abafwile tababukapo. ¹⁶ Kani abafwa tababukapo, na Klistu nao ngatabukilepo; ¹⁷ na Klistu ngatabukilepo, ichitetekelo chenu chalukoso kabili muchili mukubufya kwenu. ¹⁸ Nomba kuli babo abalala muli Klistu balobe. ¹⁹ Kanyi chakweba ati isubilo lyesu muli Klistu, lyamulibubuno ubwikashi, ninshi pabantumose nishi nifwefwenka tunga ababulanda makosa. ²⁰ Sombi pano Klistu alibukile kubafwile ngefisepo ifyantashi ifyababo abalele. ²¹ Pakuti infwa yaishile umuntu, nakumuntu ekwaishile ukubuka ukufuma kumfwa. ²² Pakuti nimuli Adam bonse imo bafwila, efifyo nimuli Klistu emo bakalengelwa aba mweo. ²³ Sombi uli onse mwitulwe lyakwe Klistu efisabo fyakutanga, kabili napalifyefyo abo abakwa Klistu bali nekulengwa abalabi pakwisa kwakwe. ²⁴ ikaba impela, ili akalekelobufumu kuli Lesa Tat, ili akonala bumulopwe bonse na bulupaka bonse, nemaka. ²⁵ Pakuti ali nekuteka mpaka akabike abapate bakwe bonse munshi yamakasa yakwe. ²⁶ Umupate uwakonala mukupelako ninfwa. ²⁷ Pakuti ''abikafyonse munshiyamakasa yakwe.'' Sombi kani chalabila ''abikafyonse,'' chilibwenekele ukweba ati tachilukubikapo uyo uwabikile fyonse muliye. ²⁸ Ili fyonse ifikalamba kuliye, eli nemwana umwalalume umwine akalamba panshi ya uyo ubikilefyonse panshi yakwe, pakuti Lesa angaba fyonse mulifyonse. ²⁹ Ninshi bakachita shani abbalishiwa pamulandu wanfwa? Kani abafwile tababukilepo, nindo baba batishiwilwa pamulandu wabo? ³⁰ Nindo kabili twabela mubusanso impindi yonse. ³¹ Ndafwa chila kasuba. Ichichine ichindeyunfwila muli mwebo, icho ichindinacho muli Klistu Yesu Imfumu yesu. ³² Findo ndukusanganamo, kukubona kwabuntunse, kani nalilwile nefiswango mu efese kani afwalababukapo? ''Lekeni tunwe nekulya pakuti mailo tukafwa.'' ³³ Mwitumpikwa: ''Imibo itawemepo ilonala imibo iweme. ³⁴ ''Shilimukeni! Ne kulungama! Musungapo ukubifya. Pakuti mwebo bambi tamukwetepo amano yabu Lesa. Ndukulabilefi kukumunfwishe nsoni. ³⁵ Sombi bambi bakalabila, ''Abafwile bangabuka shani, kabili niwisa umubili uwo bakwisa nao?'' ³⁶ Wechungwa we! Ichubyala tachibapo ichamwe sombi kachiba kachifwa. ³⁷ Ichiwabyala tachikabapo koti niwenka ulya mubili, sombi ulatwla ulubuto. Chingaba ningano nangwa ulubuto lumbi lukoso. ³⁸ Sombi Lesa alatupa umubili umu alukufwaila, nakulubuto ululilonsenemubili waluko. ³⁹ Umubili taulipo umo koku. Pakuti, kuli umubili umo uwabuntunse, kabili naumbi umubili uwanama, naumbi umubili uwufyuni, naumbi uwesabi. ⁴⁰ Kuli nakabili imibili iyakwiulu ne yapanshi. Sombi ubukata bwa mibili yamwiulu ilipusene nebukata bwamili yapanshi nayo ili imbi. ⁴¹ Kuli ubukata bumo ubwakasuba, kabili nabumbi ubukata ubwa mwenshi, nabumbi ubukata ubwa ntandala. Pakuti ulutandala lumo lwalipusana ubukakulu byakwe. ⁴² Fyenkefi efili nekubushiwa kwabafwile. Ichabyalwa kukonala, chikabukila kuchitakona ulwepo. ⁴³ Ichabyalwa ichitachindemepo; chikabuka mubukata. ⁴⁴ Ichibyalwa kumubili; chikabukila kumubili ya mupashi. Kani kuli umubili wabuntunse, kuli kabili nemubili wamupashi. ⁴⁵ Fyenkefi efi chalembelwe, ''Umwalalume uwakutanga Adamu alishilekuba umulimo wamweo.' Na adamu uwakupelako aishile kuba umupashi uyo upela umweo. ⁴⁶ Sombi umupashi tawalipo uwakulanga sombi umubili, elinomba ifya mupashi. ' ⁴⁷ Umwalalume uwakutanga uwapesonde, alipangilwe ukufuma kulukungu. Umwalalume uwakonkapo afumine kwiulu. ⁴⁸ Koti nifyenkefi uyo upangilwe kulukungu ali, fyensefyo efili nababo abapangilwe ukufuma kulukungu, kabili koti nififyo umwalalume uwa kwiulu, fyenkefyo efili nababo aba kwiulu. ⁴⁹ Fyenkefi ifitwa fyalwa muchipasho chamwalalume uwakulukungu, efi lukakwata ne chipasho chawamwiulu. ⁵⁰ Pano nalabilefi, mwendume, ati umubili ne mulopa tekuti fipyane ubufumu bwakwa Lesa. Neli kalatate kutikupyane ukukanaonala. ⁵¹ Bona! nakwebela mubuntishi: Tatwa kalalepo bonse, sombi bonse lukalulwa. ⁵² Tukalulwa mukashita akanini, mukukapakweshiso, pantanda iya kupelako. Pakunfwika kwantandala, nebafwile bakema kukutonaulwapo, kabili tukalulwa. ⁵³ Pakuti imibili iyo nalwa ikafwala ukutonalwa, nenfwa ikafwala ukutafwa. ⁵⁴ Sombi ili iyi mibili yakonalwa ikafwala ukutonalwa, kabili iyinfwa ili kafwala ukutafwa, eli kukesa ukusosa ukwalembwa, ''Infwa baimina mukuchinfya.'' ⁵⁵ ''Wenfwakulipi ukuchinfyakobe? Wemfya lulipiulubola lobe?'' ⁵⁶ Ulubola lwanfwa kubifya, nemaka yakubi fya malango. ⁵⁷ Sombi ukutota kube kuli ba Lesa. Babo aba tupele ukuchinfya ukupitila munfumu ba Yesu Klistu! ⁵⁸ Napalichicho, mwendumeshandi, beni abakosele abalasunkana. Pamulimo wanfu, pakui mulishi ati umulimo wenu munfu taulipo walukoso.