¹ Pano palwa mu sangulo uwa kupela aba lungeme ba kwalesa: Koti nififyo ifi na ebele aba mu mukelesha yaku Galatia, ifi muchite. ² Mubushiku bwakutanga mumulungu, chila umo umo pali mwebo patulenipo fimo nekubika umo finga sanduluka. Chiteni ici pakuti ili nakwisa tukukakapo ukusangula. ³ Ili nka fika, kuli babo aba mukansontela nkapela ulusebo kulibo utwakutwala ifyabupe ku Yelusamu. ⁴ Kani chilyelelwe nandibu ukuya, bakaya nane. ⁵ Sombi ndukubwela kuli mwebo kani napita mu Macedonia. Pakuti nkapita mu Macedonia. ⁶ Pambi nkekala na mwebo neli ukupwisha mwela, pakuti mukanshikisheko mulwendo lwanji konse uko nakuya. ⁷ Inshilukufwayapo ukubonana na mwebo mulupita. Pakuti ndu kufwaya ukuposa impindi ikulu na mwebo, kani ba Shikulu Yesu Klistu basuminisha. ⁸ Sombi ndi nekwikala mu Efoso paka kukabe Pentekositi, ⁹ pakuti ichiseko ichakuti ne bukulu chilisukile kuli nebo, nabalu kuchinchila benji. ¹⁰ Pano ili Timoti alukwisa, boneni ukwebati ali namwebo ukwakubula kutina, pakuti alukupengela pa mulimo wafumu, koti nififi ifindukuchita. ¹¹ Mwilekapo neli umo ukumusula. Mukamushindike mumutende mulwendo wakwe, pakuti akese kuli nebo. Pakuti ndemwenekala ukwisa nendume. ¹² Pano pa lwandume Apolosi, ndimukoseleshe mukukosa ukumutandalila nendume. Sombi tachalipo chafwaya kwakwe ukubebati angesa luno. Pano alukwisa impindi ngalinga. ¹³ Beni abalabi, iminineni bakosele muchitetekelo, chiteni koti balalume, koseni. ¹⁴ Lekeni fyonse ifi muchita fichitilwe mubutemwe. ¹⁵ Mulishi aba mung'anda yakwa Stefani, ukweba ati efisepo fyantanshi ifya muAkaya, kabili bali ibila ukuba abapyungishi bwabalungeme bakwa Lesa pano ndukumupapateni mwendume, ¹⁶ munakile kubantu abafifi kabili nakumuntu uli onse uyo uyo uwofwelesha mu nchito na mukupelela pamo na fwebo. ¹⁷ Ndi utemenwe pakwisa kwakwa Stefan, Fortunati na Akaya. Baingilila pamu punda wenu. ¹⁸ Pakuti bo banasha kumuchima wandi ne yenu. Napali checho, toteni abantu abali koti nyabo. ¹⁹ Bamusekeleni aba mumakelesha ya mu Asiya. Akila na Prisila bamusekeleleni mu Mfumu, pama bamwitempuli ya mu ng'anda yabo. ²⁰ Indume shonse shamusekela. Musekeleniumo ne mu byakwe ne kutomona ukuswetele. ²¹ Nebo, Paulo nalembefi ne minweshanji. Kani kuli umuntu utatemwapo Imfum, abeutipilwe. ²² Mwemfumu Yesu iseni! ²³ Ukusenaminwa kwamfumu Yesu kubena mwebo. ²⁴ Ukutemea kwanji kube namwebo mwense muli Klistu Yesu.