¹ Konkeni ukusagalala nekuba ne mukonsha wa fyabupe fyakumupashi, pakwebati mu ngasesema. ² Pakuti uulubila mu mulaka uumbi talabila kubantu alabila kuli Lesa. Takupo uumfwa kufyo alukulabila pakuti alukulabil mu mupashi. ³ Sombi uusesema kubantu alakoselesha abantu ne kubakula, nekuba sangalasha. ⁴ Uulabilila mu mulaka alalikula umwine, sombi uusesema alakula ikalesha. ⁵ Ningasangalala ukubiona ukwebati mwense mulukulabila mumilaka imbi. Sombi icakukubila kwaji uusesema alicilile pa uulabililala mu mulaka uuyo ulabila mumulaka ngailula ifyo alukulabila ekelesha lilafula. ⁶ Sombi lomba mwebakwabesu, ili nkesa kuli mwebo nkatatike ukulabila mumulaka, bwafwilisho ndo nkamofweni? Takupo, nipapo ningile ukusobolola, neli ukupela amano, neli kusesema ne kusambisha. ⁷ Munshila iintu iimo-ngachakwebati ifilimba filukulila fyafumya ciunda uumutolilo neli kwiseesetafilukulekanya imililile mungeshiba shani imililile ya fiko? ⁸ Pakuti ipenga ngalila icilileli-nibanani abangliteyanya ukuya ku bulwi? ⁹ Eficili nakuli mwebo mu milaka. Ngacakwebati mulukulabila mumilaka ifi mulukulabila tafilukumfwikapo? Mulukulabilila muli kabesha. ¹⁰ Kuli imilaka iinji pesonde, yoonse ilikwete ubupilibulo. ¹¹ Sombi kani nshishibilepo ubupilibulo bwa mulaka, kuli uyo ukukulabila kuli nebo nabo umwina fyalo na uyo ulukulabila naye aba naye mwina fyalo kuli nebo. ¹² Eficili na kuli mwebo ngachabati mulukufwaisha ifyabupe fyakumupashi, bikeniko akalango pakwebati mukule ikelesha. ¹³ Eficili nakuli mwebo uukwebati ulukulabila mu mulaka uumbi atembele pakwebati eshibe ukwilula. ¹⁴ Pakuti ili na tembele, umupashi wanji watembela, sombi akalango kanji takako. ¹⁵ Ningacita shani? Ndinjile ukutembela mumupashi, sombi na mukalango namo kantembela. Ndilinjile uukwimba kumupashi, na mukalango namo kanjimba. ¹⁶ Ngachakwebati walemya balesa mumupashi, mbo ulibelele ngaalabila ''Ameni'' kufyo ulukulemya ifiteshibilepo ifyo ulukulabila? ¹⁷ Ulu kulemya balesa apakulu, sombi uumbi umuntu talukukulwapo ¹⁸ Ulukulemya balesa pakuti ndalabila mumulaka ukucila mwebo. ¹⁹ Sombi mwi ekelesha cawamisha uukulabila amashiwi yasano ayo njishibile bwino uukusambishako bambi, ukucila ukulabila amashiwi amakana teni sausande mu milaka. ²⁰ Mweba kwabesu, tamulingilepo kuba koti twaniche mukalango ku fibipile beni koti tucece. Sombi mukalango mube abakulu. ²¹ Mu mafunde cilishibikilwe, ukwebati mumulaka yabena fyalo ne milimo yabena fyalo emo nkalabilila kulya babantu nekungumfwa tabakangufwapo, ''efya alabilaba Lesa. ²² Pakuti imilaka cishibilo, tekulibabo abafishi, sombi kuli babo abatafishi. Sombi ukusesema cishibilo, tekuli babo abatafishi, sombi abafishi. ²³ Ngachakwebati, ikalesha lyonse lukoso lyaisa pamo ne kulukulabila mumulaka, eli abena fyalo neba takwetepo ulwishibila bonse baisa pamo bangalabila ukwebati mashilu? ²⁴ Sombi mwense kani mulukusesema eli abatakwetepo ulwishibila nebena fyalo baisamo bangasambilishiwa. Nekushininwa. ²⁵ Ififisema mumutima wakwe fingafisuluka. Ne kuwa ubukupeme ukulosha icinso cakwe panshi ne kutembela ba Lesa. Ne kulabila ati Lesa ali pali mwebo. ²⁶ Cindo cimbi icingakonkapo mweba kwabesu? Ili mwense mwaisa ca pamo, uumbi aimba ulwimbo, uumbi asambisha, uumbi asokolola , mulaka, neli ukwilula, citeni co pakwebati mukule ekelesha. ²⁷ Ngacakwebati uumbi alabililila mu mulaka, kufwile kwaba abantu babili neli batatu, pakwebati uumbi alungamika ili umubyakwe ailula ifi balukulabila. ²⁸ Sombi ngatakupo neli umo uwakwilula, lekeni mwense mwikale shilili mu ekelesha. Mwense cila muntu alilabilile mwine nakuli Lesa. ²⁹ Lekeni abantu babili neli batatu bakasesema balabile, ili mwense mu likumfwa ne kwilula umo cilolele. ³⁰ Sombi ngakuli ukusokolola kuli uumo uwikele, lekeni uubalilepo akutumane. ³¹ Pakwebati mwense mungasesema umo umo pakuti mukoselenshanye. ³² Pakuti umupashi wabakasesema cabupe cabo icakusesema. ³³ Pakuti Lesa te Lesa wacimfulunganya, sombi wamutende. Ili efude makelesha yakwa Lesa, kubantu abaswetele. ³⁴ Banyinefwe balilinjile ukwikalashilili mu makelesha. Pakuti tabelelwepo ukulabila. Balilinjile ukwikalila mu mafunde ifi yalabila. ³⁵ Ngakuli ifi balukufwaya ukwishiba balekeni bakepushe abalume babo ku mayanda. Pakuti ca nsoni makosa umwanakashi ukulabila mukelesha. ³⁶ Bushe amashiwi yaba Lesa yalifumine kuli mwebo? Nimwe mweka aya mashiwi aficileko? ³⁷ Pali mwebo ngapali ulukulitota ukwebati ni kasesema ne ku mupashi, lekeni eshibe ukwebati ififintu, na lemba lifunde ukufuma kuli Shikulu. ³⁸ Sombi ngachakwebati telukilepo fi, muleke eilukapo. ³⁹ Nipapo mwebakwabesu beni ne kukabila ukukulu ukwakufwaya ukusesema, mwikanya neli umo ukusesemo mumilaka. ⁴⁰ Sombi lekeni fyonse ficitilwe umutelelwe ne nkoka.