¹ Nomba insoka yaba iyakucengela pafya bumi fyonse imfyo Lesa apangile. Yasosele ku mwanakashi ai, ''Ninshi Lesa asosele ai miyokulyako ku citi conse icamwibala'? ² No mwanakashi asosele ku nsonka atile, ifisabo fyafiti mwibala kuti twalyako, ³ kano fe ifisabo fya citi kebala, Lesa alitwebele ai, mwiyo kulyako, mwiyo kwikatako, pantiu kuti mwaisa kufwa.'''' ⁴ Isonka nayo yalisosele ku mwanakashi ai, ''Tamwakese kufwa. ⁵ Pakuti Lesa alishibile ai ubushiku mwakulya kuli ici citi amenso yenu yakashibuka, kabili mwakuba nga Lesa, abakwishiba ifyabune nefya bubi. ⁶ Elo umwanakashi alimwene ai ici citi cabune ku kulya, kabili cabune ku kumona, kabili ico citi cakulenga ukuba abakwiluka, aliswile ifisabo fya ciko kabili alilile. Kabili walipeleko no mulume wakwe fimbi ngo bali nao, nao alilile. ⁷ Amenso yabonse babili yalishibukile, elo baishile kwishiba ai bali ulukoso. Elo baswile amabula ya mukunyu no kuyabila pamo elo baishile kusangula ifyakuifimba palukoso lwabo. ⁸ Elo baishile kumfwa ulushindo lwa kwa Lesa akoenda mwibala ulo akasuba kanakile, umwaume no mukashi wakwe balishile kufisama mufiti fya mwibala pakuti Lesa eisa kubamona. ⁹ Elo Lesa akutile ku mwaume no kusosa kuli ena ai, ''Nikwisa uli?'' ¹⁰ No mwaume alisosele ai, ''Ndi mwumfwile mwibala, nditinine pakuti ndi ulukoso. Kanshi ndi fiseme.'' ¹¹ Lesa nao ai, ''Ninani uukwebele ai uli ulukoso? Bushe ulilileko ku citi nakukenye ukulyako?'' ¹² No mwaume alisosele ai, ''Nyuyu wine mwanakashi mwampele ukoya kwila nandi, eumpeleko ifisabo fya ku citi nandi ndilile. ¹³ Elo Lesa asosele ku mwanakashi, ''Nindo icitile ici?'' No mwanakashi ai, ''Ninji iine nsoka eintumpaikile, nandi ndilile.'' ¹⁴ Nao Lesa asosele ku nsoka ai, ''Pakuti wacita ici watipwa webp wenka pafitekwa fyonse elo nefya mu conde fyonse. Ukayokwendela fe pepafu lyobe, elo ukoyo ukulya fe ulukungu munshiku shonse sha bumi bobe. ¹⁵ Nkobika no kuoatana pakati kobe no mwanakashi, elo napabana bobe napabana bakwe. Beena bakoyo kukulasa ku mutwe obe nobe ukoyo kubalasa kucishinshilo.'' ¹⁶ Naku mwanakashi asosele ai, ''Ukufusha nkofusha ukumanama kobe no kwimita kobe; mukukalipwa kobe emo wakuya ukufyalila abaana. Kabili imfyo wakuyo kufwaya ukoyokulombafye ku mulume obe, kabili ewa kuyo kukutungulula.'' ¹⁷ Kuli Adamu asosele ai, ''Pakuti waumfwilile kwishiwi lya mukashi obe, no kulya ku citi nakukenye ukulyako, watipwa umushili pamulandu nawebo; mukumanama kwa kubomba kobe emo wakoyolila icakulya munshiku shabumi bobe bonse. ¹⁸ Ukoyo kukumesesha nemyunga elyo naficilasa, kabili ukoyo kulye imbuto shamwibala. ¹⁹ Kukupiba kwalibe lya kucinso cobe eko wakoyolila icilyo, ukufika fe ukabwelela kulukungu, nko nakubulile pakuti uli lukungu, kabili eko wakubwekela.'' ²⁰ Kabili umwaume alinikile umwanakashi Efa pakuti ninyina waku fyamweo fyonse. ²¹ Elo Lesa apangile Adamu no mukashi wakwe iminjila yampampa shakunama nao alibafwikile. ²² Lesa asosele ai, ''Nomba mulekumona umwaume aba kwati nifwebo, uwakwishiba ubune no bubi. Nomba tatwamusuminishe ukololola ukuboko kwakwe, pakuti kuti abulako ku muti wa bumi, nokulyako, nokuba uwabumi ukutwalilila.''' ²³ Elo Lesa amutamfishishe mwaibala lya Edeni, kukuyo mukulima umushiuli nko bamubulile. ²⁴ Awe Lesa atamfishe umwaume mwibala, elo abikileko naba Kelubi lubali ku kabanga kebala lya Edeni, elo no lubingu lwalupanga ulwali kwaluka aaluka ku nshila shonse, kukulinde nshila iyakuya kumuti wabumi