¹ Umwaume aishile kwishiba umukashi wakwe Efa no kwimita afyala no mwana mwaume ishina amwinikile ai, Kaini. Efa epakulanda ayi, ''Kubwafwilisho bwakwa Lesa. napokelela umana mwaume.'' ² Nakambi Efa alifyele umwana mwaume Abeli wabo wakwa kaini, Abili alikuteka ifitekwa , kaini ena ali ni cilime. ³ Mukuya kwanshiku kaini aliletele ifisabo fyakwe ngo mutuulo kuli Lesa. ⁴ Abeli wo aliletele ifyamafuta yababeli yafitekwa fyakwe nokufitulaalifitulile kuli Lesa. Yaweh asekelele mumutulo wakwa Abeli, ⁵ Yaweh tasekelele mumutuulo wakwa kaini. Kashi Kaini epakufulwa sana, ne cinso cawa. ⁶ Elo Yaweh aebele Kaini ayi , ''nindo ukalipile nakambi Nindo pa menso pobe pabulumanina? ⁷ Bushe nga wacita ubune tekuti upokelelwe? Nomba ngataucitile icabune ninshi ububi nabukushalila pa mwinshi obe, bulefwaya webo ukukutungulula, lelo cilefwaikwa webo ukubucimfya.'' ⁸ Elo KAini aebee wabo Abeli ayi, '' Natulekuya mu conde.'' Elo bali mu conde , kaini ayalukila waba amwipaya. ⁹ Elo Yaweh Amwisha ayi,''Bushe wenu Abeli alikwisa?'' Akini ayasuka ayi, ''Awe Nteshibile! Bushe ninebo wakusunga wesu?'' ¹⁰ Yaweh amwipusha ayi, ''Nindo ucitile? Umulopa wakwa wenu ulekuta kuli nebo ukufma ku mushili? ¹¹ Nomba nakutipa, nakambi nakutamfya pa mushili uupokelele umulopa wa kwa wenu iminwe yobe isumishe. ¹² Elo wakulalima umushili, tawakalekupela fisabo. Tawakalekutusha. ukolekululumbafe pa calo.'' ¹³ Kaaini aebele Lesa ayi, '' uku kukandwa kwankosela sana. ¹⁴ Lelo wantamfya pa calo, nakambi ntakamonekele pa menso yobe, nakambi nakulakupitanafe ukwabula ukutushapa calo uuli onse ukankumanya akanjipaya.'' ¹⁵ Lelo Yawe amweba ayi ''Awe iyoo ngakuti umuntu aipaya kaino naye akucula imiku cine lubali, 'Kanshi Yawe epakubika icishibilo pali Kainipakutila onse umwamukumanya, tekuti amwipaye. ¹⁶ Kaini epakutaluka pa cinso cakwa :esa, aya kwikala mu calo ca Nodi, Ku kabanga kaku Edeni. ¹⁷ Kaini aishibe umukashi wakwe nokumwimisha ifiumo. Elo afyala no mwana mwaume ishina lyakwe no Enoki, akulile umusumba nokuwinika -anuma yamwana wakwe umwaume Enoki. ¹⁸ Enoki ewafyeleIradi. Elo Iradi e wishi wakwa Meuyaele naye e wshi wakwa Metushaeli elo Metushaeli e wishi wakwa Lameki. ¹⁹ Lameki alyupile abakashi babili, umo ni Ada, elo umbi naye ni Sila. ²⁰ Ada ewafyele Yabali. Yabali iciklwe ca bantu abateka ifitekwa, kabili bekala mu ma mateenti. ²¹ Wabo wakwa Yabali, ishina laykwe ni Yuda. Yuda wishi wabakalisha wa masese no mutolilo. ²² Sila weishile kufya Tuba-Kaini , ewalefula ifibombelo fyapusanapusana ifya fyela no mukuba. Nkashi yakwa Tuba Kaini ali ni Naama. ²³ Lameki aebele abakashi bakwe ayi, ''Ada na Sila kutikeni kwishiwi lyandi; mwebakashi ba kwaLameki umfweni amashiwi yandi. Nalipaya umuntu uwancenawile, umulumendo uwankusawile. ²⁴ Nga cakluti icilandushi capali Kaini miku cine lubali ninshi icilandushi capali Lameki miku Amakumi cine lubali na cine lubali.'' ²⁵ Adamu Aishibe umukashi wkwe nakambi Efa afyala umwana mwaume , amwinikile ne shina lyakwe ai, Seti, lo asosa ayi, ''Lesa Lesa nampelapa umwana mwaume umbi pali Abeli ulya Kaini aishile kwipaya.'' ²⁶ Seti naye afyele umwana mwaume amwinikile ne shina laykwe Enoshi. Nipali ilya ine nshita abantu batampile ukukuta peshina lyakwa Lesa.