¹ Efyo fyapwililike umulu nampano calo, capamo ne milongo ya fiko. ² Mu bushiku bwakulenga cinelubali emo Lesa apwilishe incito yakwe iyo abombele, nakambi mu bushiku bwakulenga cine lubali emo atushishe ku kubomba kwakwe knse. ³ Apa empalya Lesaapalile ubushiku bwakulenga cine lubali no ku bushisha, nico pantu muli bulya bwine bushiku emo Lesa atushishe ku ncinto abombele no kucita. ⁴ Inku kukwine ekupangwa kwa mulu n calo, mukupangwa kwa fiko, mubushiku ubo Yaweh Lesa apangile icalo ne myulu. ⁵ Munshiku Yaweh apangile umulu ne calo nalya muntu tapalipo icimpukusa icalipo mpano calo nangula mu mulu, nangu fe fibuka fyonse ifya mwi sonde tafyalimbukile pa mulandu wakuti Yaweh Lesa umwine talokeshepo infuula pa calo, no muntu tapalipo ukwakulimapo mu mushili. ⁶ Lelo Ulushi lushi lwala ima ukufuma mpano pa calo no kupanasha ponse. ⁷ Yaweh Lesa apangile umuntu ukufuma ku lukungu lwa panshi, nakambi aputilemo umupu wa mweo mu myona yakwe pa kuti umutnu atampe ukupema, no muntu asanguka uwa bumi. ⁸ Nakambi Yahwe. Lesa alimine ibala mu Edeni ku kabanga; namulya mwine umo aile bika umuntu abumbile. ⁹ Namulya Yaweh Lesa abushishe ne cimuti conse ico bengatembwa ukulolesha nangue fe ukufe ukulya. Natakati ke bala iciti cabumi, nakambi emuti wakulenga ukwishiba icakuwama ne cakubipa. ¹⁰ Namulya me Edeni emwatampile umumana ku kunasha ibala. Elyo nakambi uyu mumana wapatukenemo apantu folo. ¹¹ Umumana wakutampilapo wali ni Pishoni. Engulya washingwulwike incende yonse iya Havila, enkulya kwali umukuba. No mukuba wakulinjilya ncende wabune. ¹² Nakambi kwali umukuba. Nakambi kwaliko Bdellium nambi Ongx yamabwe. ¹³ Umumana wa bubili ni Gihoni. Uyu mumana engulya washingulukile incende yonse iya kushi. ¹⁴ Umumana wa butatu wali ni Tigrisilya, uyu engulya washingulukile akabanga ka Ushur. Umumana wa bune ni Euphrates. ¹⁵ Yaweh Lesa asendele umwaume no kumutwala mwibala Lya Edeni mukulilonda no kulimamamo. ¹⁶ Elo Yaweh Lesa akonkomeshe umwaume ai, ''Ku fiti fyonse ifyamwibala muli abakakulwa ukulya. ¹⁷ Lelo ku citi cakulenga ukwiluka ububi no bune tamulingile ukulyako, mu bushiku mukalyako tecakutwishika ukuti mu kafwa.'' ¹⁸ Nakambi Yaweh Lesa akonkenyepo ukuti ''te cabune umwaume ukwikala enka. Elo nalamupangila kafwa uwabune mu menso yakwe.'' ¹⁹ Pa calo Yaweh Lesa apangile ina shonse ishampanga ne fyuni. Ifyuni fyonse ifipampa mu lwelele. Na kambi Lesa afitwele ku muntu ukuti afiloleshe no kufinika. Ifyo umuntu aitilecila nama anfufe icuni efyali neshina lyaciko. ²⁰ Umwaume ainike inama shonse ne fyuni fyonse ifya mu lwelele. Angufe cibe ifi umwaume takwete kafwa uwabune mu menso yakwe. ²¹ Yaweh Lesa aponeshe umwaume mutulo ukutakalamba. Na Yaweh amubulileko ulubafu lumo nokumucilikapo umunofu apo abulile ulubafu. ²² Kuli ndulya lwine lubafu Lesa abulile ku mwaume, apangileko umwanaqkshi no ku muleta ku mwaume. ²³ No mwaume alandile ai, ''Ili Efupa lya munofu wandi, nakambi unofu wakuminofu yandi. Nakambi akalakutwa ,úmwanakshi , nico pantu ku mwaume eko afuma.'' ²⁴ Nampapene umwaume bawishi na banyina, no kukakatila ku mukashi wakwe, no kuba umubili umo. ²⁵ Na kambi bonse babili umukashi no mulume bali ulukosolelo tabali na nsoni.