¹ Ukukonkanyapo nalimishe amenso angi kwiulu kabili nali mwene umuntu kabili noluntambo lwakupiminako mukuboko. ² Nali labile, ''u-lukuyapi?'' Ali alabile kuli nemo, ''ukupima Yelusalemi, ukumona mubwipi nobuntali.'' ³ Ali malaika u-walabile kuli nemo waile kabili malaika umbi kaya nokumukumanya. ⁴ U-wabubili kalabila kuli nemo, ''Butuka nokulabila kumwanike; labila, Yelusalemi akekalikwa ikyalo kyaposonde pamulandu wabwingi bwa balalume nefinama muli ye. ⁵ Pakuti nemo Yawe nalabila ukaba kuli ye lubumbu lwa mulilo ukumashinguluk, kabili kaba lukumo muliye. ⁶ Peulu! peulu! Fumeni kupanga ye kukabenta kubuyeke efyalabila ba Yawe pakuti namisalanganya muli koti ni kambesha une u-wa mwiulu! Efyalabila ba Yawe. ⁷ Peulu butukileni ku Ziyoni, mwebo mwe mwikala nabanakashi ba mu Babiloni!'' ⁸ Pakuti panuma ba Yawe bamakosa bakindika nemo kabili nokutuma nemo kufyalo fyamyonawile onse ukamikata akantu kapalinso! panuma ba Yawe bakintefi, balilabile, ⁹ Nemo kabika ukuboko palibo, kabili bakonaulwa kubusha bwabo.'' pakuti mukeshibe ni ba Yawe aba makosa abatuma nemo. ¹⁰ ''Imbeni nokusangalala kabili nokusekela, mwe banakashi ba Ziyoni, pakuti nemo ndi nokwisa kabili nokwikala muli mwebo efyalabila ba Yawe.'' ¹¹ Nefyalo ifikulu fikesa kuli mwebo ukuba muli ba Yawe muli bulya bushiku, alabila,'' Ali mukaba abantu bangi. Pantu kekala muli mwebo kabili mukeshiba ba Yawe bamakosa ebatuma nemo kuli mwebo. ¹² Pakuti ba Yawe bakaswana Yuda koti umo usalilwe mufikelwe umushilile mu kyalo kabili akasala Yelusalemi umwine. ¹³ Ikaleni kishishi bonse mweminofu, kumenso aba Yawe pakuti afumamo umushilile umwakwe!