¹ Ali ba Yawe ba mweneshe nemo Yoshiwa umupapatilishi kaimakene kutangile yaba malaika aba Yawe kabili nasatana kaimakene kululyo ukumushinina ye ububi. ² Malaika waba Yawe kalabila kuli satana, ''Ba Yawe bakukana webo, satana,' ba Yawe, abasala Yelusalemi, bakukana webo! kanshi tali kalashi lyamulilo bakulumuna?'' ³ Yoshiwa alifwele ikilumba kyasalu ili aimakene kumenso aba malaika. ⁴ Malaika kalabila nokulabila kuli babo aba imakene kumenso, ''Fula isalu yakulitota ukumefula,'' Ali alabile kuli Yoshiwa,'' mona!nalenga ububi bobe ukufuma pali webo kabili nokukufwika mufifwalo ifiweme. Eli ⁵ nalabila, ''Balekeni babike umuchinya pa mutwi!'' Ali babikile umuchinya pamutwi wakwa Yoshiwa u-utubile, eli malaika waba Yawe kaimakene. ⁶ Malaika u-wapalamine waba Yawe kalabila ukukabisha Yoshiwa kabili nokulabila achi, ⁷ ''Ba Yawe abamakosa balabila ifi: Anga mukende mushila shangi, kabili nokulama amalamuna, penka mukalama iñanda yangi nokulama ulubasa pakuti kamisuminisha ukuya kabili nokubwela pali babo abe makana kumenso angi. ⁸ Kutika, Yoshiwa umupapatilishi umukulu, webo nabalongo bobe abo wikala nabo! Aba balalume fyakwishibilako, nemo nemwine kemya aba mulimo kamusambo. ⁹ Pano mona pe mbwe nabika kutangile kumenso yakwa Yoshiwa. kuli amenso asanu na abili pali lino limbwe kabili kalibasa bwino - uku ekulabila kwaba Yawe ba makosa kabili kafumya ububi mbali imo panga ubushiku bumo. ¹⁰ Muli bulya bushiku - efkulabila kwaba Yawe bamakosa umuntu onse akenta ba mupalamano ukwikala mushi yebala lya kichi kyamukuyu.''