¹ Mu mwenshi wa isanu na itatu uwa mwaka wabubili uwabufumu bwakwe Dalyashi, ishiwi lyaba Yawe lya lishili kuli Zakaliya umwana wakwe Belekiya umwana Ido, kasesemo, achi, ² ''Ba Yawe balekilamo ukubafichilwa ba wishibo! ³ Labila kuli bo, 'Ba Yawe ba mabumba balabile fi: Alulukileni kuli nemo! - ifi efyalabila ba Yawe ba mabumba. ⁴ Mweba kwachi niba wishibo abo ukoba kasesema balilile kunuma, achi,, ''Ba Yawe ba mabuma balabile fi: Alulukeni ukufuma kunshila shenu ishabubi nefyakukita ifyabumbifi!'' Lomba tabaleumfwa kabili tabaposeleko amano kuli nemo - uku ekulabila kwaba Yawe.' ⁵ Bawishbo - bali kwepi? kabili bakasesema - bushe ba lekalo muyayaya? ⁶ Lomba ifyebo fyangi ne efyo nabafundile ababomfi bangi ba kasesema, kanshi tafibapichile ba wishibo? Fyenka bali lapile ne kulabila achi, 'fyenka ba Yawe bamabumba ba langulukile ukutukita fwebo efyo amashila esu ne fikitwa fyesu fyalingile, ⁷ pakasuba aka amukumi abili naine aka mwenshi uwekumi na umo, emwenshi uwakwe Shebati, mu mwaka uwabubili uwabufumu bwakwe Dalyashi, Ishiwi lyaba Yawe lyalishile kuli Zakaliya umwana wakwe Belekiya umwana Ido, kasesema, ne kulabila achi, ⁸ ''Nali mwene ubushiku, kabili, ne kumona! Umuntu alenda pali kafwalo uwakukashika, kabili ali mukachi kafichi ifili mwilungu; kabili kunuma yakwe kwali bakafwalo abakashikile, abakashilulukile ne bakutuba.'' ⁹ Nalilabile achi, ''Ifi ninsa fintu, Shikulu?'' penka umungeli uwalabile nanemo alilabile kuli nemo achi, ''Ndekumwenesha ifi ifintu efyo fili.'' ¹⁰ Penkapo umuntu uwaimakene mukachi kafichi fya mayito a - asukile ne kulabila achi, ''Ifi efyilya ifyo ba Yawe batumine ukufuma kwakubula kyalo. ¹¹ Kabasuka abangeli ba ba Yawe abo abaimakene mukachi kafichi ifya mayito; bali labile kuli ena achi, ''Twalepitang`ana mukyalo kyonse; mona, kyonse kyalo kyaikala kelele kabili kili pa kutusha.'' ¹² Penka malaika kamwasuka nokulabila, ''Ba Yawe abamakosa, Nilinga nakukitila ikumbu Yelusalemi nemishi ya Yuda, iya mwakalipila pa myaka amakumi yasanu na tubili?'' ¹³ Ba Yawe kabasuka umungeli uwalabile nanemo, ne mashiwi aweme, amashiwi akutekenesha. ¹⁴ Fyenkefyo umungeli uwalelabila nanemo alilabile kuli nemo achi, ''Ita ne kulabila, 'ba Yawe ba mabumba fyo ba labila ifi: Nali nekichima pali Yelusalemi na pali Ziyona ikichima ikikulu! ¹⁵ Nafitwa sana ne fyalo pa kutusha. Ili nabafichilwe panini bena, balipangile ifinkunka ukukilamo. ¹⁶ Fyenkefyo ba Yawe ba mabumba balabilefi acho: Na bwelela ku Yelusalemi ne nkumbu. Iñanda yangi ikasompewe mukachi muliye - uku ekulabila kwaba Yawe ba mabumba - kabili ne mushilwa wakupiminako akadonsekela pali Yelusalemi! ¹⁷ Wite libili, achi, 'Ba Yawe ba mabumba balabila ifi: Imishi yangi ikesha libili ne fiweme, kabili ba Yawe bakatekenesha libili Ziyona, kabili bakasala libili Yelusalemi.''' ¹⁸ Penka nali suntwile ku mungeli angi kabili nali mwene amasengo ane! ¹⁹ Nali labile ku mungeli uwalabile na nemo, ''Nifindo ifi?'' Alingasukile nemo, ;;Aya masengo apalangèna mu Yuda, Ishileli, na Yelusalemi.''' ²⁰ Penka ba Yawe bali mweneshe nemo bane abakubasa. ²¹ Nalilabile achi, ''Nindo baleisa mukukita aba bantu?'' alingasukile, ne kulabila achi, ''Aya masengo aya palangèna mu Yuda mukweba achi umuntu nangu umo enga suntula umutwi bena, mukwikisha panshi amasengo afyalo filya ifya suntwile isengo mu kwimakanina ikyalo kya Yuda ukipalangànya.''