¹ Ifi ekubulilisha kwaba Yawe amashiwi abo pali Ishileli - ukubulilisha kwaba yawe, abo abatanchikele amaulu kabili nekubika ifya kutachikilapo ifya panshi ya kyalo, abo abelengele umupashi wa muntu uyo uli mukachi mumuntu, ² ''Bona, nemo ndukufwaya ukupanga Yelusalemi achi abe ninkomeki iyo ikalenga abo abantu bonse abamushingulwike ukuba nekutelengela filya nekumwimina Yelusalemi. ³ Muli kako kasuba, ne nkapanga Yelusalemi ukuba kipinto kyebwe ililemene kubantu bonse. Uyo onse ukesha ukulimya akalisomesha apakulu mukosa, kabili nefyalo fyonse ifyapanshi fikabungana nekwimina uyo mushi. ⁴ Pali kako akasuba - ifi ekubulilisha kwaba Yawe - ne nkapama bakafwala bonse nekinfulunfulu kabili nabenda bonse nebushile. pañanda yakwe Yuda ne nkalaba nemenso angi, sombi pali bakafwalo bonse aba bantu ne nkabapama ne kubapofola amenso. ⁵ Kabili nemfumu shaku Yuda shikalabila mumichima yabo, achi' abekalishi bamu Yelusalemi bo makosa esu pakuchi pali ba Yawe bamabumba, ba Lesa wabo! ⁶ Muli kako kasuba ne nkalenga imfumu shaku Yuda kochi mwipika wapamulilo panguni kabili kochi mumusho wamulilo pakachi yampekechi ishimakene, pakuchi bo bakaba nekulofya bonse abantu kulubali lwakulwine nakukipiko. Yelusalemi akekala libili apo pankende yakwe apakweenka.'' ⁷ Ba Yawe bakatanga ukupulusha amsema akwe Yuda, pakweba achi ubuleme bwañanda yakwe Dafiti kabili nababo bonse abekala mu Yelusalemi tabwakachilepo pali babo aba Yuda. ⁸ Palikako kasuba ba Yawe bo ebakaba kyakubalwila abekalishi bamu Yelusalemi, kabili palikako kasuba kochi ni Dafiti, sombi neñanda yakwe Dafiti ikaba kochi niba Lesa, kochi ninkalamba yaba Yawe pantangile yabo. ⁹ ''palikako kasuba apo ne nkatachika ukonaula ifyalo fyonse ifyo fiba nekwimina Yelusalemi. ¹⁰ Penka nkechila umupashi waluse kabili nekupapata pañanda yakwe Dafiti kabili nababo abekala mu Yelusalemi, bakalu kukeba kuli nemo uyo bachibawile. Bakandilila nemo, kochi nifilya umuntu alila umwana lukoso umo umwalalume enka, bakabombomana apakulu kochi nifilya umuntu abombomana panfwa yamwa ibeli umwalalume. ¹¹ palikako kasuba imisowa yamu Yelusalemi ikaba kochi misowa yaku Kadadilimoni mumukolo wa Mejido. ¹² Ikyalo kikalila, ikisolo pakisolo kyenka ukufuma kukisolo kibyakwe. Ikisolo kyamuñanda yakwe Dafiti kikaba kyenka kabili nebakashi babo bakaba benka ukufuma kubalalume. Ikisolo kyañanda yakwe Natani kyenka. ¹³ Ikisolo kyañanda yakwe Lefai kikaba kyenka kabili nebakashi babo bakaba benka ukufuma kubalalume. Ikisolo kyabena Simyai kikaba kyenka kabili nebakashi babo bakaba benka ukufuma kubalalume. ¹⁴ Pafisolo fyonse abo abakashalapo - pakisolo pakisolo fikaba fyenka kabili nebakashi bakaba benka ukufuma kubalalume.