Kyapita 13
1
Pali bulya bushiku katumpuntumpu kakesulwa ka ñanda yakwa Dafiti kabili ne bekashi ba Yelusalemi, pa bubifi bwabo ne kukowela kwabo.
2
Pabulya bushiku - uku ekulabila kwa ba Yawe bamabumba - kakesako amashina atulubi ku kyalo kabili taakanukwe yoo. Kafumyamo bakasesema ne mupashi uwafiko mu kyalo.
3
Kani umntu umo atwalilika ne kusesema, bawishi nabainakwe abamufyele bakamweba, itawakekale ne bumi, pakuchi walabila ubufi mwishina lya ba Yawe!' Penka bawishi kabili na bainakwe abamufyele bakamutula ili akasesema.
4
Pabulya bushiku kasesema onse akaba ne nsoni pa kimonwa kyakwe ili ali mukukisesema. Aba bakasesema tabakatwalilekepo ukufwala umukukumba wa masako yoo, pakuchi pakubepa bantu.
5
Pakuchi kila umo akalabila, ' shili kasesema! ni nemo mwalalume ubomba maloba, pakuchi umushili walishili ukuba inkito yangi ukufuma lukoso ku bwanike bwangi!'
6
Lomba umbi akalabila kuliye, ''Nifindo ifi filonda ifili mukachi ka konkoni ya maboko obe?' Kabili akasuba,' nali someshiwe na balya aba muñanda ya banangi.'''
7
Kiswi! isopole webowemwine ne kwalukila umwembeshi wangi, umuntu uwimakana pabwipi kuli nemo - uku ekulabila kwa ba Yawe bamabumba. Asa mwembeshi wangi, kabili ne mbelele ikabutuka. Pakuchi kabwesha ukuboko kwangi ne kwalukila balya abanaka mu muchima.
8
Penka kikesa ne kuba achi mu kyalo kyonse - uku ekulabila kwa ba Yawe - achi lubali lwa butatu lukakakeswako! Balya bantu bakonaika; Sombi lubali lumo lw butatu elukashalako lukoso kulya.
9
Kaleta lulya lubali lwa butatu kupita mu mulilo kabili ne kuluwamya kwachi ni Siliva ifibaiwamya; kabesha kwachi niGolide ifibayesha; Baketa pe shina lyangi, kabili kabasuka kabili ne kulabila, 'aba bantu bangi!' kabili bakalabilla, 'Ba Yawe ni ba Lesa wesu!'''