¹ Pano pa bushiku bwa bumakumi abili ne shiku ine ubwa mweshi umo abantu ba Isuleli balibungene kabili balishikilwe ne nsala, kabili balefwala ifya kufwala ifitabaukile, kabili balibikile ulukungu pa mitwi yabo ² Abamukifyashi kyakwa Isuleli balilipatulwiko abene ukufuma kubena fyalo bonse. Balimakanine kabili ne kulisolola ububifi bwabo kabili ne misango yabukapondo iya ifikolwe fyabo. ³ Balimakene mu mapusha abo, kabili ubushiku bumo bwa shiku ine balibelengele mwi buku lya mushilo ilya ba Yawe ba Lesa babo. Pakuti pabushiku bumbi ubwa ishiku ine balelisolola ukubifya kabili ne kufukama panshi kutanshi yaba Yawe ba lesa babo. ⁴ Abena Levi, Yeshuwa, Bani, Kandimeli, Shebaniya, Buni, Shelemiya, Bani, kabili na Kenani, balimakene pa mitanto kabili balibilikile ne shiwi iikulu kuli ba Yawe ba Lesa babo. ⁵ Penka abena Levi, yeshuwa, kabili kandyeli, Bani, hashabineiya, Shelebiya, Hondiya, kabili na Petahiya balilabile, "Iakaneni kabili ne kupela ukutota kuli ba Yawe ba lesa benu imyaka ne myaka." Lekeni bapale ishina lyenu ilyabuleme, kabili ngalitakaikwe ukukila pa kupala ne kutota. ⁶ Nimwebo ba Yawe Mwebo mweka. Mwalilengele iulu, kmeulu ali mwiulu umwine umutali n, na fyonse ifilimo, kabili ne kyalo kya pashi na fyonse ifilipo, ne fishiba kabili na fyonse ifilimo.Mulafipela fyonse umweo, kabili nafyonse ifili mwiulu filamilemya. ⁷ Muli ba Yawe, ba Lesa abasalile Abulamu, kabili ne kumufumyamo mu Uli wabena Kalindeya, kabili ne kumupela ishina lya bu Abulahamu. ⁸ Mwalisangile umutima wakwe ali uwakishinka kutanshi yenu, kabili mwalimulengele ululayano kubamu kifyashi kyakwe ukumupela ikyalo kya bena kenani, abena Hiti, abena Amoli, abena Pelizi, abena Yebusi, kabili nabena Ngilingasi. Mwabane kusunga ukulaya kwenu pakuti mulilungeme. ⁹ Mwalimwene ubukyushi bwa bawishifwemu Ijipiti kabili mwalyumfwile ukulila kwabo ku kishiba kyakukashika. ¹⁰ Mwalipene ifishibilo ne fyaku kankamuka kuli Falao, ne ku bakalume bakwe, kabili napa bantu bonse abamukyalo kyakwe, pakuti mwalishibile ati abena Ijipiti baline misango iya kubakatasha. Lomba mwalililengele mwebene ishina ilyaimakana ukufika naku bushiku bwa lelo. ¹¹ Penka mwalyakenye ikishiba kutanshi yabo pakuti balipitile pakati ka kishiba pa mushili uumine: Kabili ne kuposa balya abaleba ba konka mushi mushikile, koti ilibwe mu menshi aashikile. ¹² Mwalibatangilile ne nkumbi iimakene wa mulilo mupindi ya bushiku mu kubasanikila mwakuya. ¹³ Palupili lya Sinai mwalikile kabili mwalilabile nabo ukufuma mwiulu kabili ne kubapela imikambisho iyelelwe ne mishilo ya kine, ifipope ifiweme kabili ne mikambisho. ¹⁴ Mwalilengele isabata lyenu ilya mushilo ukwishibanikwa kulibo, kabili mwalibapele imikambisho ne fipope kabili ne mushilo ukupitia muli Mose kalume wenu. ¹⁵ mwalibapele mukate ukufuma kwiulu pakuti pansala yabo, kabili ne menshi ukufuma mulibwe pakuti pa kilaka kyabo, kabili mwalilabile kulibo mukuya ne kwingilamo ne kukipoka ikyalo mwalapile ne lutipo ukubapela. ¹⁶ Lomba bena kabili ne bakolwe besu balikikitile mukukana kwakukatasha, kabili balyumishe imashingo abo kabili tabaumwile ku mikambisho yenu. ¹⁷ Bali kanine ukumfwa, kabili tabalangulukilepo pa fyakukakamana ifyo mwakitile mukwaluka kwabo balisontele intangishi kukubwekela ku busha bwabo. Lomba muli ba Lesa abaisula ne kulekela ku milandu, abankumbu ne kikuku, abakokola ukufitwa, kabili abali ne kutemwa ukukulu. Tamwabalekeleshe yoo. ¹⁸ Nangu ili bapangile umwana wa ngombe ukufuma ku kyela kya kusungulula kabili ne kulabila, 'Uyu e Lesa wenu uwamifimishe mu Ijipiti,'Kabili balilengele ukubifya ukukulu makosa, ¹⁹ mwebo, mu kikuku kyenu, tamwabalekeleshe mupanga. Umumbulungwa we nkumbi uwakubatangilila munshila talyabashile mu pindi ya kasuba yoo, nagu lukoso umumbululungwa wa mulilo mubushiku mukupela ulubuto munshila pakuya. ²⁰ Umupashi wenu uuweme mwabapele mukubasambilisha, kabili na mana enu tamwafumisheko ku tunwa twabo, kabili ne menshi mwabapele pa kilaka kyabo ²¹ Pa myaka amakumi ane mwalebamwena ne kubapela mupanga, kabili tabakatlilwepo inkitu. Ifyakufwala fyabo tafwafwilepo yoo kabili ne molu abo tafimbilepo yoo. ²² Mwalibapele ubufumu ne bufumu kabili ne mishobo ya bantu, ukuleba kanisha konse konse kumpelo ya kyalo. Penka balikipokele ikyalo kya kwa mfumu Sihoni wa mu Heshiboni kabili ne kyalo kya Ongi infumu yabena bashani. ²³ Mwalilengele abana babo ukufula koti ni ntanda ya mwiulu, kabili mwalibaletele ne kubengisha mu kyalo iki mwalabile ku fikolwelwe fyabo ukuya ne kwingila kukipoka ²⁴ kanshi abantu balile ne kwingilamo ne kupoka ikyalo kabili ne kukifya shi kutashi yabo abekashi ba mukyalo, abena Kenani. Mwalibapene mu maboko abo, pamo ne mfumu shabo kabili ne mishobo ifi batemwa. ²⁵ kabili balipokolwele imishi iikosele nekuba ne malinga kabili ne kyalo ikitembele, kabili balipokele amanganda umwiswile fyonse ifiweme, mikalo iyasepelwa limo, amabala afisepo ne mabala a makuyu, kabili ne fiti fya fisepo ifyakufula. Kanshi balilile ne kwikuta kabili balinine ne kusekelela abene mu kuwama kwenu ukukulu. ²⁶ Penka balibwekele ne kubula ukunakila kabili balimwalukile mwebo. Baliposele umushilo wenu kumanuma abao. Balipaile inganga yenu iyabakengeshe ukubwekela kuli mwebo, kabili balilengele umulandu mukulu wakumitukene. ²⁷ Kanshi mwalibapene mu maboko a balwani babo, ababalengele ukupenga. Mupindi yabo yakupenga, balilile kuli mwebo, kabili mwalibofwie ukufuma mwiulu, kabili napamulandu wa nkumbu shenu mwalibatumine abakubapokolola aba ba pokolwele ukufuma mu maboko abalwani babo. ²⁸ Lomba panuma yakutuusha, bali pangile libili fyabukapondoo kutanshi yenu,kabili mwali bashile mu maboko abalwani babo, kanshi abalwani babo balebatungulula. Sombi ili babwekeele kabili ne kulila kuli mwebo, mwalyumfwile ukufuma mwiulu, kabili na mupindi ingi pamulandu wa kikuku kyenu wali bapokolwele. ²⁹ Mwali ba kengeshe ati babwekele kabili tabaufwile ku mikambisho yenu yoo. balibifishe ne kwalikila amafunde aapela umweo kuli onse uuanakila. Bali sutawile ifipeya ne kumya amashingo abo kabili ne kukana ukumfwa. ³⁰ Pa myaka iingi mwali batekanishishe kabili mwali bakengeshe ne mupashi wenu ukupitilila mu banganga ba ba lesa beneu. Sombi tabaumfwile yoo. Kanshi mwa libapene mu maboko a mishobo ya bantu bamufyalo. ³¹ Lomba mubwingi bwa nkumbu yenu tamwabonawile mupwilapo nangu ukubasha yoo, pakuti mwebo muli ba Lesa bankumbu ne kikuku. ³² Pano fyopelefyo, mweba lesa besu mwe bakulu bankosa iya kuti, kabili ba Lesa abene abalenga ne mwenso abasunga ululayano lwenu kabili ne butemwe bwenu bwakuti mwileka ifi fyonse ifyakukatasha fimoneke shesu, pa ntangishi yesu, na pa bapapatilishi besu, na pa banganda babaLlesa besu, na pa fikolwe fyesu, kabili na pa bantu benu bonse ukufuma ku nshiku yakwa mfumu wa Asilya ukufika na bushiku bwa Lelo. ³³ Mwalungika lukoso mu fintu fyonse ifyaisa pali fwebo twakita mukubifya. ³⁴ Imfumu shesu, intangishi yesu, abapapatilishi besu, kabili ne fikolwe fyesu tabasungile umushilo wenu yoo, nangu ukuposako amano ku mikambisho yenu nangu amafunde a lulayano lwenu aa mwabakengeshe yoo. ³⁵ Nangu lukoso mu bufumu bwabo abene, ili balelilemena ne kusekela mu kuwama ukukulu kwenu palibo, mu kyalo ikikulu ne kutemba uo mwabikile kutashi yabo, tabamibombelepo yoo nangu ukufuma ku misango yabo ya bukapondo yoo. ³⁶ Pano tuli basha mu kyalo iki mwapele ifikolwe fyesu mu kusekela mu fisepo fyakikyo ne fyabupe fyakikyo ifiweme, kabili moneni, tuli basha mwenka ! ³⁷ Ubwingi bwa fisabo fya kyalo kyesu fyaya ku mfumu isho mwabika pali Fwebo mulandu wa bubi bwesu. Bakotungulula pa mbiliyesu kabili napa fitekwa fyesu koti nifi batemwa. Tuli mu bukyushi ubukulu. ³⁸ Pamulandu wafifif fyonse, twabanekulenga ululayano ulwankosho ukupitila mumalembo. pakipepala kya keshibilo pali amashina a ntangishi yesu, abena Levi, kabili ne bapapatilishi.