¹ Pafipepala fya twishibilo pali Nehemiya, uyo uuli kateka, umwana umwalalume wakwa hakaliya kabili na Zendekiya, ² Selaiya, Azaliya, Yelemiya, ³ Pashiuli, Shebaniya, Malikija, ⁴ Hatushi,Shebaniya, Maluki, ⁵ Halimu, Melemoti, Ombandiya, ⁶ Ndanyela, Nginetoni, Balusi, ⁷ Meshulami, Abija, Mijamini, ⁸ Maziya, Biligai, Kabili na Shemaiya. Aba bali abapapatilishi. ⁹ Abena Levi bai: Yeshiwa umwana umwalalume wakwa Azaniya, Binui uwamukifyashi kyakwa Henandindi, Kandamielo, ¹⁰ Kabili neba byabo abena levi, Shebaniya, Hondiya, Kelita, pelaiya, Hanani, ¹¹ Mika, Lehobi, Hashabiya, ¹² Zakali, Shelebiya, Shebaniya, ¹³ Hondiya, Bani, Kabili na Beninu. ¹⁴ intangishi yabantu yali: Paloshi, Pahati-Moabi, Elamu, Zatu, Bani, ^{15 21} Buni, Azingandi, Bani, ¹⁶ Andonija, Bingivai, Andini, ¹⁷ Atela, Hezekiya, Azuli, ¹⁸ Hondiya, Hashumu, Bezai, ¹⁹ Halifi, Anatoti, Nabai, ²⁰ angipiyashi, Meshulamu, Hezeli, Meshezabeli, Zakoki, Jadawa, ²² Pelatiya, Hanani, Ananiya, ²³ Hoshewa, Hananiya, Hashubi, ²⁴ Heloheshi, Piliha, Shobeki, ²⁵ Rehum, Hashabina, Maseiya, ²⁶ Ahiya, Hanani, Anani, ²⁷ Maluki, Halimu, Kabili na Bana ²⁸ Pakuti kubashala abantu, abali aba papatilishi, abena levi, bakasunga bapa milyango, bakemba, bakalume bakwi kelesha, kabili na balya bonse abalipatwileko kubantu bamufyalo kabili ne kulipela abene ku mushilo waba lesa, ukubikapo lukoso ne bakashi babo, abana babo abalalume ne banakashi, bonse abaline bwishibilo ne kumfwikisha, ²⁹ balichangile pamo ne balongo babo abalalume, ifinemanga fyabo, kabili bali katene pamo ne kulifingisha kabili ne kulapa ukwenda mu ushilo waba Lesa, uo uwapelwe na Mose kalume waba Lesa, kabili ne kulama kabili ne kunakila imikambisho yonse yaba Yawe ba kapa besu kabili ne mafunde ne fipope fyabo. ³⁰ Twalilayene, ati tatwakapelepo abana besu abanakashi ku bantu bamukyalo nagu ukupisha abana besu abalalume kubana babo abana kashi yo. ³¹ Kabili twalilayene ati kani abantu bakyalo baleta ifipe nangu ifyakulya ifyaseke ifilifyonse pa bushiku bwe sabata, tatwakashite kulibo pesabata nangu pa bushiku ubuli bonse ubwa mushilo. Umwaka onse uwabusano nabubili tukaleka amabala esu akatushe, kabili tukabane kulekelako ikongole yonse. ³² Twalisumine umukambisho wakupela ikipimo kya pafitatu kya mashekeli ikya kila mwaka ikya kinto ya nganda yaba Lesa, ³³ iya mukate wa bukumo, kabili ne kalyo kaseke akamulambo, umulambo wakokya pabushiku bwe sabata, ikila kya kusefya umwenshi wabukumo kabili ne kusefya kumbi ukwapelelwe, kabili nefya bupe ubushilile, kabili ne fya milambo ya kubifya iyakulenga ukulekelwa kwa kubifya kwa Isuleli, kabili nafya kinto yonse ya nganda yaba lesa wesu. ³⁴ Fwebo-abapapatilishi, abena levi, kabili ne bantu-katuteya ububale bwa mulambo wa fiti. Ububale bufwile bwa salululwa kana nisa ikifyashi ikingaleta ifiti mu nganda yaba lesa pa pindi iya sotwa kila mwaka, fyakokya pa kyoto kya kipailo kyaba Yawe ba Lesa wesu, koti nifyo kyalebwa mu mishilo. ³⁵ Twalilayene ukuleta mu nganda ya Yawe, ifisepo fyasomo ifyakufuma ku mushili wesu, kabili kila mwaka ifisepo fyasomo kufuma ku kiti ikili kyonse ³⁶ Abana bana babeli ababana besu abalalume, kabili ne fitekwa-ukukonka nefyalembwa mushilo- ne babeli bamutema wa ngombe kabili ne mutema wa mikoko tukafileta ku nganda yaba Lesa wesu, kuba papatilishi ababombela mu nganda yaba Lesa wesu. ³⁷ Tukaleleta ifyaku kanjisha fyesu fya mukate fyakutanga kabili ne milambo yesu ya kalyo kaseke, kabili ne kisepo kya papatilishi, ku mananda akusungilamo amu nganda yaba lesa wesu. Tukaleleta kubena levi ikye kumi ikya kufuma ku mushili wesu pakuti bena levi balakolonganika ifye kumi u mishi yonse iitwikalamo. ³⁸ Umupapatilishi, uwamukifyashi kya kwa Aloni, alilingile anana bena Levi ilyo bapoka ifyekumi. Abena Levi balilingile ukuleta ikyepekumi kyefyekumi ku nganda yaba lesa ku manganda akusungilamo. ³⁹ Kuli bena Isuleli kabili ne bamukifyashi kya kwa Levi baline kuleta ifyakupela fya kulyo kaseke, ubwalwa bwa bukomo, kabili ne mafuta kumanganda akusungilamo mulya umo ifipe fya mwamushilo fisungilwa kabili mulya umo bekala abapapatilishi abalebomba, nebakasunga bamulyango, kabili naba kemba. Tatwakalekeleshe inganda yaba lesa besu