¹ Abantu bonse balibungene koti mwalalume umo pampusha yalwalala kutashi ya mulyango wa menshi. Balipwishe Ezela kalemba wamishilo ukuleta ibuku lya mishilo iyakwa Mose, iba Yawe bakambishe Isuleli. ² Pabushiku bwa kutanga bwa mwenshi wa busano na bubili, Ezela umupapatilishi aliletele ibuku lya mishilo kutanshi ya ibungano, bonse abalalume ne banakashi, kabili nabose abengakutika ne kufwa. ³ Aliloleshe ku mpunsha ya palwalala kutashi ya mulyango wa menshi, kabili alibelengelemo ukutanga kumakya ukufikaso napakati kasuba, kutashi ya balalume ne banakashi, kabili nabonse abengomfwa, kabili abantu bonse balikutikikishe kuli ibuku lya mishilo. ⁴ Penka Ezela kalemba wa mishilo alimakene pakiteba ikitali iki abantu bamupangilile ikyaku bomba ikinto. Abaimakene kulubali lwakwe bali Matiya, Shema, Anaiya, Uliya, Hilikiya, kabili na Maseiya, Hashumi, Hashibandana, Zekaliya, kabili na Meshulami baleimakana ku lubali lwakwe lwa kunkuso. ⁵ Ezela aliswile ibuku pamenso abantu bonse abaimakene, pantu alimekene apatali pamulu kukila bantu bonse, ili aliswile abantu bonse balimakene. ⁶ Ezela alipalile ba Yawe, balesa abakulu, kabili abantu bonse baliminye amaboko abo mwiulu ne kwasuka ati, "Ameni!Ameni!Penka balifukeme pashi ne kutota ba Yawe kabaloseshe ifinsofyabo panshi. ⁷ KabiliYeshuya, Bani,Shelebiya yamini, Akubi, shabetai, Hodiya, Maseiya, Kelita, Azaliya, Yozabandi, Hanani, Pelaiya-abena Levi- balyafwilishe abantu ukumfwikisha imishilo, ili abantu bali bakikele mu mapusha abo. Intuntulushi ingi iyabukomo yashimbula koti abena Levi abantu bonse aba shimbaulwa muli"vesi. Nangu nififyo, intuntulushi ya bukomo imbi yabika bena levi mu mutati umo pamo ne shina palwayo. ⁸ Balibelengele muli ibuku, umushilo waba lesa, ukuibelenga bwino ne kulumbulula kabili ne kupela emo yalola pakuti abantu baumfwikisha ukubelenga. ⁹ Kateka Nehemiya, kabili na Ezela umupapatilishi na kalemba, kabili na bena Levi abo aba lelumbulula kubantu balilabile ku bantu bonse, "Buno ubushiku bushiku bwa mushilo kuli ba yawe ba Lesa wenu . mwilila nangu ukulosha ku fyebo fya mushilo. ¹⁰ Penka Nehemiya alilabile kulibo, "Kabiyeni kwenu, mukalye akalyo akanonene kabili ne kunwa ifitobele, kabili ne kutuminapo fimo kuli ulya ushili nafimo ifyakupekanya, pakuti bushiku bwa lelo bushilile kuli bakapa benu. Mwiba ne kikonko, pakuti ukusekela kwaba yawe ni nkosa shenu. ¹¹ Kanshi abena levi balilengele abantu ukuba kelele, kabalabila, "Talalenipo! Pakuti bushiku bwalelo bwa mushilo. Mwiba ne kikonko." ¹² Penka abantu bonse balile kwabo mukulya kabili ne kunwa kabili ne kwakana akalyo kbili ne kusefya ne kusekela ukukulu pamulandu balwimfwile ku fyebo ifi babeshibishe. ¹³ Pabushiku bwa bubili intangishi ya fikota fya fifyashi ifya kufuma ku bantu bonse, abapapatilishi kabili nabena levi, balishile pamo kuli Ezela pakuti beshibishe ifyebo fya mushilo. ¹⁴ Balisangilwe kililembelwe mu mushilo ifyo ba yawe bakambishishe kupitila muli Mose ati abantu bonse abena Isuleli balinga ukwikala mu mimba mupindi yakusefya kwa menshi wa busano na bubili. ¹⁵ Balinga ukulenga ukubilika mu mishi yabo, kabili namu Yelusalemu, kabalabila, "Kabiyeni posonde mu kyalo kya mpili, kabili ne kuleta imisapi yakimuti kya mafuta kabili ne fimuti fyamafuta fya mumpanga, kabili na kukimuti ikya malito, ikya pamu kabili ne fita fya kimpukesa, ukupanga imimba, koti ifyo kyalembwa. ¹⁶ Kanshi abantu balile ne kuleta ifipupu kabili ne kulisompela abene imimba, kila umo pamulu wa nganda yakwe, mukipunga kyakwe, mu kipango kya nganda ya ba Lesa, panse papunsha ya palwelele kutanshi ya mulyango wa menshi, kabili na mulubansa wa mulyango wa Efulamu. ¹⁷ Ibumba lyonse lyabalya ababwekele ukufuma mu busha balisompele imbimba ne kwikalamo. Pakuti ukufuma lukoso munshiku yakwa Yoshiwa umwana umwalalume wakwa Nuni kufika napa bulya bushiku, abena isuleli tabasefeshepo iki kiila, kabili isasa yabo yali iikulu makosa. ¹⁸ Kabili kila bushiku pa bushiku, ukutampila ku bushiku bwa kutanga kufika ne bwakupelako, Ezela alebelenga muli buku ya mushilo yaba Lesa. Balikele ne kiila pashiku isano na ibili kabili bushiku bwa kubungana kwa kupopomenwa, mukunakila ku mukambisho.