¹ Pano ili Sanibalati aufwile ati tukoibaka ikibumba kyelinga, kyalimupile, kabili alifulilwe makosa, kabili alibatumpikile abena Yunda ² Mukyeni ikya balongo bakwe abalalume kabili ne kita kya kondo ikyabena Samaliya, alilabile, "Nganifindo bakokita aba abena Yunda abazezalele? Bushe bakalibweshesha umushi abene? Bushe bakapela imilambo? Bushe bakapwisha inkito pabushiku bumo? Bushe bakabwesha mabwe koti efyo ali ukufuma pafisoso ifyaokelwe. ³ Tpbiya umwinaAmoni alinaye, kabili alilabile, "Kani mumbwe anisapo pafisakoibaka, ikibumba kya mabwe kikatabaika nekupona." ⁴ Kutikene, mweba Lesa wesu, pakuti twapatwa. Babweshehseni ukutumpikwe pamitwi yabo ne kubapela kupukulwa mukyalo kya busha. ⁵ Mwifimbapo pabubifi bwabo kabili lekeni ububi bwabo bwifuma kutashi yenu, pakuti bakolomona ubukali bwa bakwibaka. ⁶ Kanshi twalibakile ikibumba kabili ne kibumba kyose kyalilundilwe pamo kufika naku kabeya kabuta bwakyo bwa peulu, pakuti abantu balinekilaki kya kubomba. ⁷ Lomba ili Sanibalati, Tobiya, abena Alabia, abena Amoni, kabili nabena Ashindodi baumfwile ati inkito yakuwamya ifibumba fya Yelusalema ikoyapatashi, kabili ati nepa mapusha akibumba patobaulwa pakoisalwa, ubukali ubukulu bwali babipile. ⁸ Balwifwene bonse pamo, kabili balshile nekulwa na Yelusalema kabili ne kupanga ikifunganya muliye ⁹ Sombi twalitembele kuli ba Lesa wesu ne kubikako bamalonda bakulonda mukubakinga ubushiku ne kasuba pamulandu wakintinya kyabo. ¹⁰ Penka abena Yunda balilabile, "Inkosa yabalya bapinta ikipinto ikopwa, kukili ifisoso ifingi, kabili teti twibakulule ikibumba yo o ¹¹ Abalwani besu balilabile, "Tabaishibepo koku nangu ukumona pakalukoso twakwisa mulibo ne kubepaya, kabili ne kubalekesha inkito." ¹² Pali ilya pindi abena Yunda abaleikala mupepi nabo balishile ukufuma konse konse kumbali kabili ne kutweba ipindi ikumi imo, ukutukengesha pamilanguluko yabo iibi iibaletupangila. ¹³ Kanshi nalibikile abantu pashimakosa akibumba palwanenene pa kende. Nalibikile kila kifyashi ne mipanga yabo, amafumo ne mata a mikonda. ¹⁴ Penka naliloleshe, ne kwimakana, kabili nali labile kufinemanga, nakutungulushi, kabili nakubonse abantu bashala, "Mwibatina. Langulukene bakapa, abakulu kabili abalengane mwenso. Lwileniko ififyashi fyenu, abanabenu abalalume ne banakashi, abakashi benu, kabili ne mananda enu." ¹⁵ Ili abalwani besu baumfwile ati imilanguluko yabo ibipile yaishibikwa kuli fwebo, kabili ba Lesa bafulunganya imilanguluko yabo, fwense twalibwekele ku kibumba, kila umo ku nkito yakwe. ¹⁶ Kanshi kufuma kuli ilya pindi kabeya kamo ka bakalume bangi balebombela lukoso kukwibakulula ikibumba kabili kabeya kambi kabekete amafumo, ifyela kya panchibi, amata amikonda, kabili balifwele ne kya kufwala kya kondo, apo intangishi yabo yalimakene kunuma ya bantu bonse abena Yunda. ¹⁷ Kabili nabalya bonse abaleibaka ikibumba. Bwalya abapitile fisendo, fyabo balipitile ifipinto fyabo ukwakuti kila umo alibombele inkito nekuboko kumo, kabili kukuboko kumbi alikete ikyanso kyakwe. ¹⁸ Uwaleibaka onse alifwele ikikwa kya kipanga kulububali lwakwe, kabili efyo alebomba. Umo uwalelisha lupenga alikalile kulubali lwangi. ¹⁹ Nalilabile kufinemanga nakufilolo kabili na kubonse abantu abashala, "Ikinto yakula ne kuba akatala mukila, kabili twakanishiwa pakibumba, kutali ku umo ne mubyakwe. ²⁰ Mulilingile ukubutukila ku pusha uko mungofwa lupenga lwalila kabili ne kubungana kwenka kulya. Ba lesa wesu bakatulwilako." ²¹ Kanshi twalebomba ikinto. Kabeya kamo kaleikala amafumo ukutatika kumakya kufika na kupindi ili tubanga banga twafuma. ²² Kabili nalilabile kubantu pali ilya pindi, "Lekeni umwalalume onse ne kalume wakwe balale mu kati ka Yelusalema, pakuti babe kulifwebo nga malonda ubushiku kabilinga kabombo akasuba ²³ Kashi nangu nemo, nangu abalongobangi abalalume, nangu bakalume bangi, nangu abalalume bamalonda abalekonka, takulipo nangu umo palifwebo uwafulilepo ifyakufwala ne kufwala fimbi yoo, kabili kila umo pali fwebo alipitile ikyanso kyakwe, nangu ili alile ku menshi.