¹ Penka Eliashibi umupapatilishi umukulu alimakene ne balongo bakwe abapapatilishi, kabili balibakile umulyango wa mikoko. Bali mushilikile kabili ne kubikamo ifibi mu punsha. Bali mushilikile ukufika lukoso naku kapeshi ka mwanda kabili ne kufika lukoso naku kapeshi ka Haneneli. ² Bena Yeliko ebakonkene nakwe pakubomba, ewakokene nabo pakubomba. ³ Abana abalalume bakwa Hasena balibakile umulyango we sabi. Balilengele imyamba yakikyo, kabili ne kubikamo ifibi fyakikyo, imisalisho yakikyo, kabili ne mipikilisho yakikyo. ⁴ Melemoti alilungishe ulubali ulwakokelepo. Uyu mwna umwalalume wakwa uliya umwana umwalalume wakwa Hakozi. Kukonka kana nabo Meshulamu ewalungishe. Uyu mwana umwlalume wakwa Belekiya umwana umwalalume wakwa Meshezabeli. ukukonka kana nabo Zandoki alilungishe. Uyu mwana umwalalume wakwa Mbaana. ⁵ Ukukonka kana nabo abena Tekoati balilungishe, lomba ifinemanga fyabo fyalikene ukubomba ikinto iyakambishiwe ne bakulu babo bakinto. ⁶ Yohianda umwanaumwalalume wakwa pasewa kabili na Meshulamu umwana umwalalume wakwa Besondeiwa balilungishe umulyango wakale. Balilengele imyamba yakikyo, kabili ne kubikamo ifibi fyakikyo, imisalisho yakikyo, kabili ne mipikilisho yakikyo. ⁷ Ukukonka kana nabo kwali abalalume abaku Ngibeona kabili na Mizipa Melatiya umwina Ngibeona kabili na Yondana umwina Melonoti ikipona nakwa kateka wa kibunji kufika lukoso naku Nika. ⁸ Ukukonka kana nakwe Lizieli umwana umwalalume wakwa Halihaya, umo pabalya abasunguluka amabwe a ngolonde, balilungishe, kabili ukonka kana nakwe kwali Haniniya, Kalenga wa mafuta akena. Balibakulwile Yelusalemu ukufika lukoso naku kibumba ikikulu. ⁹ Ukukonka kana nabo Lefaya umwana umwalalume wakwa Hali alilungishe. Alini kilobo pa kabeya ka mushi wa Yelusalemu. ¹⁰ Ukukonka kana nabo Yendaiya umwana umwalalume wakwa Halumafi alilungishe kukonka kana ne nganda yakwe. Ukukonka kana nakwe Hatushi umwana umwalalume wakwa Hashabineya alilungishe. ¹¹ Malikija umwana umwalalume wakwa Halimu kabili na Hashubi umwana umwalalume wakwa Pahati umwina Moabi alilungishe lubali lumbi pamolukoso na kapeshi ka kibili kya mwa ku sungulwila. ¹² Ukuko nkana nabo Shulumi umwana umwalalume wakwa Haloheshi, ikilolo kyapa pa kabeya ka mushi wa Yelusalemu, alilungishe, panga pamo nebana bakwe abana kashi. ¹³ Hanuni kabili ne bekala mushi babena Zanowa balilungishe mulyango wa ikinkululungwa. Balibakulwile ne kubikamo ifibi fyakikyo, imisalisho yakikyo, kabili ne mipikilisho yakikyo. ¹⁴ Malikija umwana umwalalume wakwa Lekabi, ikilolo kya mushi wa Mizipa, alibakulwile umulyango wa kantu mpuntumpu ka menda. ¹⁵ Alikibakile ne kubikapo ikyakufimbapo pamulu wakyo kabili ne kubikamo ifibi fyakikyo misalisho yakikyo, kabili ne mipikilisho yakikyo. Kabili alibakulwile ne kishiba kya Siloamu ikili kwibala ya misalu iya mfumu, ukufika lukoso nakufyakwikililako ukuya ku mushi wa Davida ¹⁶ Nehemiya umwana umwalalume wakwa Azibuki, kilolo kya kabeya kamo ka mushi wa Beti zuli, alilungishe pusha yakufuma kutubuli twakwa Davida, kufika lukoso naku kishiba kyakusepa bantu, kabili naku nnganda ya fipokotola fya balalume. ¹⁷ Panuma yakwe abena Levi balilungishe, ukubikapo lukoso na Lehumi umwana umwalalumewakwa Bami kabili ukoka paliye, hashabiya, ikilolo kya kabeya ka mushi wa keila, koti mushi wakwe. ¹⁸ Panuma yakwe abalongo babo abalalume ba lilungishe, ukubikapo lukoso na Binu umwana umwalalume wakwa Henandi, kilolo kya kabeya ka mushi wa keila. ¹⁹ Panuma yakwe, Ezela umwana umwalalume wakwa Yoshiwa, ikilolo kya mushi wa Mizipi, alilungishe pusha iloleshe kumutunta ne pusha yakwakusungila ifyanso fya nkondo ukuchimpukile ikibumba. ²⁰ Panuma yakwe Baluki umwana umwalalume wakwa Zabai alilungishe impusha yalubali lumbi ne mutima wakwe onse, ukufuma kunchipukie ikibumba ne kufika ku kibi kya nganda yakwa Elyashibi umupapatilishi umukulu. ²¹ Panuma yakwe Melemoti umwana umwalalume wakwa Uliya umwana umwalalume wakwa Hakozi alilungishe ulubali lwa pusha imbi, ukufuma ku kibi kya nganda yakwa Elyashibi ne kufika kumpelo ya nganda yakwa Elyashibi. ²² Ukunko nkana nakwe aba papatilishi, abalalume ukufuma ku nkende iishingulukile yelusalemu, balilungishe. ²³ Panuma yabo Benjamini kabili na Hashubi balilungishe ukulolenkana ne nganda yabo abene, panuma yabo Aziliya umwana umwalalume wakwa Maseiya umwalalume wakwa Ananiya alilungishe unko kana ne nganda yakwe umwine. ²⁴ Panuma yakwe Binui umwana umwalalume wakwa Henandandi alilungishe lubali lumbi, ukufuma ku Nanda yakwa Azaliya nekufika kunchipukile kibumba. ²⁵ Palalo umwana umwalalume wakwa Uzayi alilungishe pakati kapanchipukile ikibumba kabili ne kashimbi akele pamulu kufuma pananda ya pamulu iya mfumu mukipango kya bamalonda. Panuma yakwe Pendaiya umwana umwalalume wakwa paloshi alilungishe. ²⁶ Pano bakalume bakwi kelesha abaleikala mu Ofelo balilungishe pankende apalolakene ne mulyango wa menshi ku kabanga kabili ne kashimbi akasumpukile. ²⁷ Pnuma yakwe abena tekoiti balilungishe ulubali lumbi ulwalolakene ne kashimbi akatalimakosa ne kufikaso naku kibumba kya Ofelo ²⁸ Abapapatilishi balilungishe pamulu wa mulyango wa kabalwe, kila umo apalolakene ne nganda yakwe umwine. ²⁹ Panuma yabo Zandoki umwana umwalalume wakwa Imala alilungishe umwine. Penka panuma yakwe Shemaiya umwana umwalalume wakwa Shekaniya, kasunga wa mulyango wakabanga, alilungishe. ³⁰ Panuma yakwe Hananiya umwana umwalalume wakwa Shemiya, kabili na Hanni umwana wmalalume uwabusano bumo wakwa Zalafi, balilungishe lubali lumbi. Panuma yabo Meshulami umwana umwalalume wakwa Belekiya alilungishe apalolakene ne mwakwe umwine umo ekala. ³¹ Panuma yakwe Malikija, umo pabeshi fyaku sungulula amabwe, alilungishe nganda ya kalume bekelesha kabili ne basulu abali ukulolankene ne mulyango wa kubungenako kabili naku fibamba fyapeulu ifya kwikalamo apanchipukile. ³² Abeshi ifyakusungulula mabwe angolonde ne basulu balilungishe pakati ka fibamba fya panchipukie ifya peulu ifya kwikalamo kabili ne mulyango wa mpanga.