¹ Mu mwenshi wa Nisani, mu mwaka wa bumakumi abili bwafumu Alitasalisesi, alisalile ifisunga, kabili nalitwele ifisunga ne kufipela ku fumu. Pano shalipo uwa nkumbu pakutanga mukyeni kyakwe yoo. ² Lomba imfumu yalilabile kuli nemo, "Ngani kindo ikinso kyobe kyamonekela inkumbu makosa? taumonekelepo ukulwala, ikuti yaba ninkumbu ya mutima."Penka nalyufwile ne mwenso makosa. ³ Nalilabile ku nfumu, "Lekeni infumu ibene bumi imyaka penape! Nganikindo inkoso kyangi kyakubula ukumonekela ikya nkumbu? Umushi, ipusha ya tubulitwaba tata, fyaobaulwa, kabili ne fibi fya milyango ya ofyaokewa ne mulilo." ⁴ Penka infumu yalilabile kuli nemo, "Ngani kindo ulukufwaya nemo mkite? Nanshi nalitembele kuli ba Lesa bakwiulu. ⁵ Nalyasukile ku Mfumu, "Kani kyaboneka ubune kuli bamfumu, kabili kani kalume wenu akita ifilungeme mu menso abo, balilingile bantuma ku Yunda, kumushi watubuli tuba tata, pakuti kamwibakulule." ⁶ Imfumu yalingasukile (Kabili nemukashi wa mfumu kaekele kulubali lwakwe), "Ukakokoloko shani kabili nilisa ukabwela?"Imfumu yalwufwile bwino ukuntuma ili naipele ipindi ya kubwela. ⁷ Penka nalilabile ku mfumu, "Ngakyabasekesha ba mfumu baleke amakalata apelwe kuli nemo aku fulumende shamufibunji kutashi ya nika pakuti bakasuminishe ukupita mumipaka yabo ilikaleya ku Yunda. ⁸ Kabili kube ne kalata yakwa Asafi kasunga wa pusha yafiti ya mfumu, pakuti akapele ifiti fyakulenga imyamba ya fibi fyamilyango ya kamba ili kwi tempele, kabili neya kibumba kya mushi, neya nanda ikaleikalamo."pamulandu wakwebati ukuboko ukuweme kwa ba Lesa kwali pali nemo, imfumu yalimpele ifinaipwishe. ⁹ Nalishile ku fulumende ya kibunji kutashi ya nika kabili naliba pele amakalata akufuma kufumu. Pano imfumu yalitumine pmo na nemo abakulu babashilika kabili ne balume abenda pabakabalwe. ¹⁰ Ili Sanibalati umwina Oloni na Tobiya kalume wabena Amoni baufwile fi, balwifwile ububi makosa ati umo aisa uukofwaya ukofwako abena Isuleli. ¹¹ Kashi nalishile ku Yelusalemu kabili kamba mulya pashiku itatu. ¹² Nalibukile ubushiku, nemo ne balalume banini pamo shabulilepo nangu umo ifi ba Lesa bangi bbikile mumitima wangi ifyakukitila Yelusalemu. Takwalipo nangu ninama imo iyali nanemo, kana lukoso onalendapo. ¹³ Ubushiku nalifumine posonde kubofya mulyango wakikululunwa, kuya ku mukalo wa Yaliko naku mulyango wakukishala, kabili nali peselepesele ifibumba fya yelusalemu ifya pomokele, kabili ne milyango ya fiti ifyaonawilwe ne mulilo. ¹⁴ Penka nalile ku mulyango wa katumputtupu ka menshi naku kishimakosa pakuti inama nale endapo ipitemo. ¹⁵ Kanshi bwenka bulya bushiku nalile ne lya kikululungwa ne kupespesa ikibumba, kabili nali bwekelemo ne kwingilila mu mulyango wa kikululungwa, kabili kanshi nalibwekele. ¹⁶ Itungulushi tayaishibilepo ukonaile nangu ifinakitile, kabili nakili shingeshi bishapo abena Yunda, nangu aba papatilishi, nangu ifinemanga, nangu itungulushi, nangu abashala aba bombele inkito. ¹⁷ Nalilabile kulibo, "Mwamona ulukatasho tulimo, ifi Yelusalemu aba masala kabili ne fibi fya milyango fya onaulwa na mulilo.. Iseni, twibake ikibumba kya Yelusalemu, pakuti twingalengwa ne soni. ¹⁸ Nalibebele ati ukuboko kuweme kwa ba Lesa wangi kwali palinemo kabili napa fyebo fya mfumu ifyo alabile kuli nemo. Balilabile, "Tiyeni twime ne kwibaka."Kanshi balikoseshe amaboko abo pankito iweme. ¹⁹ Lomba ili Sanibalati umwina oloni, na Tobiya kalume wabena Amoni, kabili Geshema umwina Alabiya baufwile fi, balitutufishe ne kutumonesha ukusula, kabili balilabile, "Nganindo mukokita? Mukoyalukila Imfumu?" ²⁰ Penka nalibasukile, "ba Lesa ba kwiulu batupela ukufikilisha. Tulibakalume bakwe kabili tukema ne kwibaka. Sombi mwebo tamulipone kyakaniko, tamulipo ne sambu, kabili tamulipo ne ikyakumwibukishako mu Yelusalemu."