¹ Pano iseni pamo mubulwi bwamilongo, mwabana abanakashi mwefita! Abalwani babika kale umulongo pali fyebo! Nekyela kya kupanamako abapingushi ba mu Ishileli pamatobo. ² Lomba webo, Betelemi Efulati, nangu muli banini mukifyashi kyakwa Yuda, ukufuma muli webo umo akesa kuli nemo nokwikalika Ishileli, ukutatika kwakwe kwafuma kubashakulu kupindi shabo, ukufika nakupelo. ³ Penka ba Lesa bakabapela ukufikila pampindi uyo uli nepafu akafyale umwana, kabili aba shala abalongo ukubwela ku bantu aba Ishileli. ⁴ Ali nokwimakana kabili nokukema imbelele mumakosa yaba Yawe, mubukulu bweshina lya ba Yawe Lesa wakwe.Emo baka shala, palifi akaba umukulu ukufika nakupelo ya kyalo. ⁵ Palififi pakaba umutende ili abena Ashilya bakesa mu kyalo kwesu, kabali ili bakenda nekunyataula patunta nino twesa, ali tukemina palibo bakafunga basanu naba bili netangishi shisanu natutatu pabalalume. ⁶ Bakafunga ipanga ya Ashilya neyebo, ne panga ya nimolondi pamulyango. Akaatupokolola fyebo ukufuma ku bena Ashilya, ili bakesa mupanga yesu. Ili ba kenda mukachi ka mipaka. ⁷ Aba shalapo aba kwa Yakobi ba kaba pakachi kabantu abengi? Kotekime ukufuma kuli ba Yawe, koti nikafwa pafyani, ikitaki pembela umuntu, nangu ukupembela umwana wamutnu. ⁸ Abashalapo abena Yakobi bakaba mu fyalo, napakachi ka bantu, koti nikalamu panama sha mupanga, koti nikalamu mumakinga ambelele. Ili apitamo mulibo. Akabekata mukondo kabili no ku batabaula mutupifwa, kabili takukaba u - wakubapulusha. ⁹ Ukuboko kwenu kukemishiwa pabalwani benu kabili nokubonaula. ¹⁰ ''Kikakitikwa muli bulya bushiku'' Efyalabila ba Yawe'' ukwebati konaula imbongolo ukufuma muli mwebo kabili nokonaula amakalaki yenu. ¹¹ Konaula imishi mu panga yenu kabili nokuposa panshi amashiki onse. ¹² Konaula ifichi kumaboko enu kabili tamukabapo ifichi. ¹³ Konaula iminwe yakubasa kabili namashiki yamabwe ukufuma muli mwebo. Tamwa kapupe ifyakubasa namaboko. ¹⁴ Kamukula imishashi yamyamba yenu iya iyafichi fya Ashela ukufuma muli mwebo, kabili nokonaula imishi yenu. ¹⁵ Kabwesha ukufitwa nobukali bwangi pafyalo abotabofwa.