¹ Lomba mushiku shakupelako kikesa ukwebati umukolo wañanda yaba Yawe akasopwa ukuba umukolo mukulu. Ukanta mbalala ukukila ifyulu, kabili na bantu bakesa kuli ye. ² Ifyalo ifingi bakaya kabili nokulabila, ''Iseni, Lekeni tuye kulupili lwa ba Yawe kuñanda yakwa yakobi, bakantufijishe fwebo ishila yabo, nokwenda mushila.'' ukufuma mu Zioni ifunde likayo ponsonde, ne shiwi lyaba Yawe ukufuma mu Yelusalemi. ³ Akekalikwa mukachi kabantu abengi kabili akalanguluka ukulingana nefyalo ifyapatali bakakokomeka imipanga yabo fyakuliminako kabili namafumo fyakuliminako. Nefyalo tafya kemya imipanga kufyalo, nangu uku basambisha ifyakondo takukabapo. ⁴ Nangu nififyo, bakekala umuntu mwibala lyakwe mushi yakintu kya mukuyu. Takukabapo u - wkubofwila umwenso, pakuti akanwa ka ba Yawe aba makosa kalabila. ⁵ Bonse abantu kabenda, uyu, mushila yakwa Lesa wakwe. Lomba tukenda mwishina lya ba Yawe Lesa wenu umuyayaya. ⁶ ''Pali kyala kasuba'' Ekualabila kwaba Yawe - ''Kabunganika ifilema nokubabika kumusesho, Abo ebo patile. ⁷ Kulula ifilema mukushalapo, kabili na ba twelwe mufyalo ifikosele, kabili nemo, Yawe, kabekalikwa pamukolo wa Zioni, pano nomuyayaya. ⁸ Pakuti pali mwebo, bamalonda wambelele, kyulu kya bana abanakashi ba Zioni kuli mwebo lukesa, ukupwila kwenukwakale kukalamwa, nobufumu ukwikalikwa kumwanakashi wa Yelusalemi. ⁹ Pano, Nindo mubilikila? Kanshi takulipo imfumu muli mwebo? U - wakumilabililako wafwa? Kanshi ubukali bwakusomenwa pa kupapa kwamikateni? ¹⁰ Bani mukusomenwa kabili nokwimita pakwebati mupape, mwe banakashi ba Zioni, koti mwanakashi nepafu. pakuti pano mukukuya mukufuma mumushi nokwikala mwibala, kabili nokuya mu Babiloni mulya muli nokulanwa. Mulya ba Yawe bakamipulusha ukufuma kumaboko ya balwani. ¹¹ Pano ifyalo ifingi balikele pamo pamulandu wa mwebo; balabifi. Lekeni onaike; Lekeni amenso esu yakebesha pa Zion.' ¹² Teshibile amalangulushi yaba Yawe, Nangu ukwishiba amalangulushi, pantu abungusha koti milumba ya senke ba bambila ukukusula. ¹³ Imeni nokulisangulala, mwebanakashi ba Zioni, kalenga isengo ukuba kapotwe, kabili nokulenga amabondo obe ukuba lumbemba. Ukonaula abantu abengi kabili nokupana ukubula kuba bwino ukupoka kuli ba Yawe, ubunoshi bwabo kuli baShikuluba kyalo kyonse.