¹ Kutikeni kuli nemo, mutangishi sha Isuleli! Mulishi bukine ukufuma kukibipile, ² Lomba mulafwa ukukita ifibile mukifulo kya fiweme. ³ Mwalisambile abantu bangi abomi. mwabafumishe ikanda, Mwaliba mukwele amafupa, nokuteka mumanongo, nekulubika panshi. ⁴ Ishiku shimo mukalomba baShikulu ukumikwasha mwebo. Lomba akafuma kuli mwebo pamulandu wakubifya kwenu. ⁵ Muli abakumona ababufi ukulaya bumalonda kuli onse umupela ifyakulya, lomba ubonaushi kuli uyo ukana ukumilisha ifya kulya. Akyo baShikulu balabilila kubakumona. ⁶ Mukekala mufishi, Apatali ukufuma kumeso akasuba, ukwakubula amashiwi ukufuma kuli nemo. ⁷ Mwebakumona ne kulabila ubufi mukasebana, ukwakubula ifyebo ukufumakuli nemo.'' ⁸ Lomba baShikulu nemo bangisusha na makosa nemupashi. Napelwa amakosa ukulabila pabupingushi kabili nekulabila kubena Isuleli ukwebati mwabifya. ⁹ Pano ufweni ku mashiwi angi, mwefilolo fya Isuleli! Mwapata ubupingushi kabili ne kwalula bukishika. ¹⁰ Mulishitile ne kwipaya ishila yaku Yelusalemi iyabumi. ¹¹ Mwetangishi mulasumina amafisa kanwa pafya lukoso mwebapapatilishi nabakumona mulafunda ne kusapwila, lomba pandalama lukoso. Ali mwalabila,'' Bashikulu bali kulubalilwesu. Takulipo ikibipile kikesa pali fwebo. ¹² Kabili pano, pamulandu wamwebo, Yelusalemi akapyangiwa panshimnokushala amasala. Imyunga ikafimba pa mitumba apalitepuli pano.