¹ Pano Isuleli, We sekelela nangu ukupanga iki o-o koti fyalo fibi. Tauli wakishi kuli ba Lesa obe. Fyonse ili iseke shapya, Walikindika koti liule. Pamulandu ulofwa bwino pandalama upoka. ² Lomba ukabulisha pa seka nefyakunwa, kabili ukasha ipanga yaba shikulu. ³ Bamo momuli mwebo mukaya ku Ijipiti; Babi bakaya ku Shilya no kulya akalyo akatakasangulwilwe. ⁴ Tamwakekale namakosa akupana imilambu ya mwanakashi kuli bashikulu. Takulipo imilambu ikasekesha ba Shikulu fikaba koti kalyo akataka sangulwilwe akakupela abafwile. Ifya kulya fyenu fikabofiwa lukoso ukutondwa kwa sala yenu; Takulipo ifikaletwa kuli bashikulu ku kipwilo kyabo. ⁶ Tamwa kekale nepindi yakusekela amalila yaba Shikulu. ⁵ Nangu mukabutaka abomi, mukafika mu Ijipiti kabili nekushikwa mu Memphis. Silifwa wenu mutulile ukalubila museku; imyanga ikamena mumatete enu. ⁷ We Isuleli, ipindi yafikila. Nakasanga ifyo mwalama, kabili mukeshiba. Abakumona tabali nakalango,'' mulalabila achi.'' kabili abakutulisha babaShikulu bafila,'' Ifyakukakamana fyobe fikushatisha fyaisula nolupato. ⁸ Isuleli, baShikulu balitumine nemo ukukulama webo. Lomba walikente abakubona kabili nokwisusha ikipwilo nolupanto. ⁹ Ulakakatisha ne mafisakanwa, fika ifyali abantu baku Kibeah. Lomba bashikulu, balamika ukubifya kobe, kabili ukamanikwa. ¹⁰ We Isuleli, Ili nemo neShikulu nakusangile ipindi yakunuma kyali koti ukusanga ikisepo mulubasalwa lukoso nangu umusele wamukuyu. Penka wali pupile Baala Peolo, ukulubulula akalubi kabili kalikele akalubi eko atemenwe. ¹¹ Kabili pano, Isuleli ubuleme bukema koti koni abanakashi bobe tabakafyale. ¹² Nangu mukekala nabana, kabapita bonse nokukusha ulukulila. Kalaluka ukufuma kuli webo, kabili ukekala panshi mumakatasho a-akulu. ¹³ Isuleli, itanshi nakukumenye webo, nalikulangulukile webo koti kichi kya mukuyu ikilikukula mumushi u-uweme. Pano ulukutangilila abantu ukufuma, kani lukoso mukwipaiwa. ¹⁴ Bashikulu, kiteni lukoso ikintu kimo pa bantu benu lengeni abanakashi baba ukubula ukwila na bana nongu ukulisha abana babo. ¹⁵ Pano Isuleli, pakutanga nalikupachile webo pamulandu wali nokubifya kwabena Kilgal. Pano ndukukutafya ukufuma muñanda yangi. Nokukubula kutemwa libili; Itangishi shobe kabafuntuka nemo. ¹⁶ Isuleli, ulikichi ikyumine imishashi kabili nemitayi yakubula fisepo. Nangu uli naba na abengi kabili nokubatemwa lyonse, kabepaya bonse. ¹⁷ Pano Isuleli, mwalikene baShikulu bangi, pano akamikambisha ukwenda uka ukufuma mukyalo nokuya mukyalo.