¹ ''Bika ulupenga pa milomo yobe! Ikwashi ilukwisa peulu ya ñanda yaba Yawe pamulandu abantu banto ba ululayano lwangi nokusantukila ku mishilo yangi. ² Balajilila nemo, ''Mweba Lesa wangi, fwebo mu Ishileli tulimishibile.'' ³ Lomba Ishileli wakana ifiweme, kabili nabalwani bakamupesha. ⁴ Babika imfumu, lomba talikufwaya kwangi. Bapanga abana bafumu, abakubula mano angi. Na Siliva kabili nagolide wabo balenga bakishi babo, lomba kani kaba putulwako.'' ⁵ ''Iñombe shenu bashikana, Samaliya. Ubukali bwangi balukwaka pali baba bantu. Nilinga bakaba mu fyakufuntumuna? ⁶ Pakuti bakishi balifumine ku Ishileli, ababofi ebapangile; Tali niba Lesa! umwana wañmbe waku Samaliya bakamumokaula mufipifwa. ⁷ Pantu abantu balabyala kabesha kabili balakesa ikikukwila. Iseke shimakene tashili nemitwi; tashifumya maluba. Anga shafika pakukula abena fyalo bakashonaula. ⁸ Ishileli pano bamumina; pano balala mufyalo koti mipika yasulwa. ⁹ Pantu balile ku Ashilya koti ni mumbwe bushimwa. Efulemi alenta abatemwe kufuma mufyalo. ¹⁰ Nangu bengaleta abatemwe ukufuma mufyalo, pano kaba bunganika pamo. Bakandeka ukufumako pamulandu wabana bafumu. ¹¹ Pakuti Efulemi alundapo ifyonto fya kubifya kwamabupe, lomba ba aluka fyonto fyakukinta ukubifya. ¹² Koti nalemba panshi imishilo kinto takimo pampindi, lomba ninga fisula ikyakukumya kuli bo. ¹³ Koti fitapisho fyamabupe angi, balapana ninama kabili nokulya, lomba nemo, Yawe, shisuminapo. Pano na anuka ukubifya kwabo kabili nokumanika kwabubi bwabo. Bakabwela ku Ijipiti. ¹⁴ Ishileli wandubako nemo, nemulengeshi wakwe, kabili aibaka ifipango. Yunda aonaula imishi yangi; konaula fyonse ifyakusangalasha.