¹ Ili nafwaya ukubuka Ishileli, ububi bwa Efulayimi bwamonekela, kamo nefwibilo fya Samaliya, pakuchi balefikinta mumufyafya; Umuño alesa mukchi, kabili nabakwipaya amabumba mumisebo. ² Tabalanguluka mumichima yabo ukwebachi nalanguluka ukubifya kwabo nemikinto. Pano imikinto yabo yabashinguluka; fili kumenso angi. ³ Kububi bwabo balalenga imfumu kusangalala, kabili balalala naba filolo. ⁴ Bonse balakinta ubukende, kochi kimbilimbili kya mulilo kyapangwa noukinta imikante. Usosela pamulilo ukutendeka kwa kukandula ukufika napakupya. ⁵ Pabushiku bwa mfumu yesu bafilolo bakapangwa ukulwala nekibe kya waini balatambika amaboko kuli babo abaluku ba ntufya. ⁶ Nemichima ili kochi fimbilimbili balalulula amalangulushi yakulintupika. Ubukali bwabo ubushiku bonse; kumakya kaki kishapo kochi lubube lwa mulilo. ⁷ Bonse bapyana kochi kimbilimbili kya mulilo - kabili balonaula ababatangilila. Nemfumu shabo shapona; takulipo u - winta pali nemo. ⁸ Efulayimi alisakanya umwine nabantu. Efulayimi alikoti mukate wakupapalala uyu tabalwile. ⁹ Abena fyalo bamupoka amakosa. lomba teshibilepo. Ifwi shamumena, lomba teshibile. ¹⁰ Ukulitota kwa Ishileli kalabila pali ye; nangu nififyo, tabalulukile kuli Yawe Lesa wabo, nangu ukumu fwaya, muli fifi fyonse. ¹¹ Efulemi ali koti kunda, ukububa kyakubula mana, ukwitwa ukufuma mu Ijipiti, kabili nokwimina ukuya ku Ashilya. ¹² Ili baya, katanika amakonde pali bo: kabalenta panshi koti fyumi fya mulelele. kabamanika mumatanga abo - pamo. ¹³ Ifingo kuli bo! pakuti bafuma kuli nemo. Ukwabana kulu kusa pabo! Basantukila nemo! koti nabapokolola, lomba balalabila ubufi kuli nemo. ¹⁴ Tabalilila kuli nemo nemitima yabo yonse, lomba balilele pamupunda shambo. Bala bunganya iseke kabile nakatete kabukumo, nokufumako kuli nemo. ¹⁵ Nangu kabafunda kabili nanakosa ukukosesha amaboko, kabili bakitwalila ukulanguluka ifibipile. ¹⁶ Bala bwela, lomba lababwela kuli nemo, ukililepo. Bali koti mukento wakupapalala. Bafilolo bakapona kupoka pamulandu wa ndimishabo, ifi fikaba fya kuba panamika mupanga ya Ijipiti.