¹ ''Iseni, tendeni tobwelele kuliba Yawe. Pantu batutabulamo pabili, lomba bakatubuka fwebo; bo batusomesha fwebo sombi bo bakutukakapo insalu pafilonda. ² Ili pakupita inshiku shibili ye akatusangula fwebo; ye akatwimyo fwebo pabushiku bwabutatu. Kabili tukekala kunkinso ³ kyakwe.Twendeni tubeshibe ba Yawe; Twendeni tukoseko ukwishiba ba Yawe. Balukwisa bukumo, bali nabulashinka kochi luketo; bakesa kuli fwebo kochi mindondo, kochi nimfula yamwela iyo napisha umushili. ⁴ Mwebena Efulayimi, ninsa kintu nengakita kuli mwebo? Mwebena Yuda ninsa kintu nenga kita kuli mwebo? Ukuwama kwenu kuli kochi makumbi a kumakya, kochi kime ikyo ikishimangana bwangu, ⁵ pakuti palifyefyo nali batemenwe bo mufipimfwa ukupichila mubapyungishi;Nalibepeye nemashiwi akufuma mukanwa kangi. Ukushininwa kobe kuli kochi kutuba ukwabonekesha. ⁶ Pakutchi ndasangalala mufintu ifyabukine talipo milambu, kabili nekwikala nemano ukwishiba ba Lesa ayenga ukilala umulambu wakokya. ⁷ Sombi kochi Adamu balipulile umulaye: balibele abakubula bukine kuli nemo. ⁸ Giliada mushi ukulu uwabalya abakita ifibipile, uli netwishibilo twanyachilwa sha milopa. ⁹ Kochi libumba tupondo utulukupembelela umuntu, sombi ibumba lyabapyungishi bonse pamo ifyo bakonka na munshila iyi kushekemu; kabili bapanga ifya musebanya wafyongo. ¹⁰ Kabili muñanda yabena Ishileli namonamo ukubifya ukukulu; Efulayimi ubu nkende wenka, ne bena Ishileli baba aba kubify. ¹¹ Sombi nawebo, Yuda ifisepo fyasontwa kale, ilyo kapela ifintu ku bantu bangi.