¹ ''Uwfweni ifi, mwebapapatilishi! Kuchikeni, mweba ñanda baku Ishileli! Kuchikeni, mweba ñanda ya mfumu! Pakuchi ubupingushi buleisa pali mwebo mwense. Mwali kando ku Misipa kabili kwachi bukonde ba anshika peulu ya Taboli. ² Abakwalukile kyalo baimakana panshi apatali mukwipaya, lomba nkabakyushafye bonse. ³ Nimwishi Epulayimi, kabili Ishileli tafisamikile kuli nemo. Efulayimi, lomba waba kwachi muchenchemeshi; Ishileli alibifishiwe. ⁴ Ifyakukita fyabo tafyabasuminishe utwalulukilakuli ba Lesa, pakuchi akalango ka buchenchemeshi kali muli bo, kabili taba beshipo ba Yawe. ⁵ Ubwitote bwakwe Ishileli bulamushiwi na umwine; fyenkefyo Ishileli na Efulayimi bakalituntula mukubifya kwabo; kabili Yuda naye akalituntula nabo. ⁶ Bakaya ne matanga ambelele ne añombe mubafwaya ba Yawe, lomba tabaka bamone, pakuchi balifumyako abene kuli bena. ⁷ Tabali abakishinka kuli ba Yawe, pakuchi bafyala abana ukwakubula ukulyupa. pano umwenshi wabukumo uwakusekela akabalya ne mabala abo. ⁸ Lisheni ulusengo mu Gibea, kabili ne lupenga mu Lama, Lisheni iya nkondo pa Beti Aveni 'Tulekukonkela webo, Benjamini!' ⁹ Efulayimi akaba masala pakasuba ka kukalipilwa. Mukachi ka mitundu yaku Ishileli nalabila ikyakine ifikamoneka. ¹⁰ Intungulushi shaku Yuda shilo kwachi nibalya abatesha umupakawebwe. Nketulwila ubukali bwangi pali bena kwachi menda. ¹¹ Efulayimi akyushiwa; Aonalwa mu bupingushi, pantu alifwaishe ukukongela utulubi. ¹² Fyenkefyo nkaba kwachi busumfi bwa Moti kuli Efulayimi, kabili kwachi kaboleshi ku ñanda yaku Yuda. ¹³ Ili Efulayimi amwene ubulwala bwakwe, na Yuda alimwene ikilonda kyakwe, penkapo Efulayimi alile ku Asiliya, na Yuda alitumine abaluwe ku mfumu ikulu. Lomba tekuchi imiposhe mwe bantu nangu ukuposha ikilonda kyenu. ¹⁴ Fyenkefyo nkaba kwachi nikalamu kuli Efulayimi, kabili kwali mwana wankalamu ku ñanda yaku Yuda. Nemo, nangu ninemo, nkabatabula pakachi ne kuya; nkabapinta, kabili takwakabepo nangu umo uwakubapulusha. ¹⁵ Nkaya ne kubwelela kwangi, kanafye bakasumine ukubifya kwabo ne kufwaya ikilungi kyangi, kanafye bakasumine mukumfwaya nemo mufya kukatasha.''