¹ Abena Ishileli bali koti kichi ukyatepula bwino ikipanga ifisepo. Ili ifisepo fyakiko fyafulile, ifipailo ifingi nafyo fyalipangilwe. Ili ikyalo kyakwe kyapangile ifingi, aliwemye na mashiki akwe. ² Umuchima wabo ubipile, pano kanshi bapenshiwe pamulandu wamilandu shabo. Ba Yawe bakonaula ifipailo fyabo; bakonaula amashiki afiko. ³ Pakuti bo bakalabila ati, ''Fwebo tatukwete imfumu, pantu tatwabachinine ba Yawe, lomba imfumu nikindo ingatukichila fwebo? ⁴ Balalabila amashiwi aalukoso nokupanga ifipingano ukupichila mu kulapa ifyabufi. Kanshi ifyakubapingula filesa lukoso koti ninseku ishi bipile ishili mumifolo yamu malimi. ⁵ Abena Samaliya bakomfwa umwenso pamulandu wa bana ba ñombe ifilubi ifya ku Beti Aveni. Abantu bafyo balilile imisowa pamulandu nnanga ishasekelele pamulandu walulumbi lwabo, lomba lwalifuminepo. ⁶ Bakatwalwa ku Asilya koti mulambu ku mfumu iikulu. Efulemu akomfwa insoni, kabili Ishileli akasebana pamulandu watulubi twakwe. ⁷ Imfumu yabena Samaliya ikonaulwa, koti ni kakibaso akakukichi akaletu mpauka pa menshi. ⁸ Impunsha ishisuntukile peulu ishabubi shikonaulwa. Imyunga na mabula aatwile aalasana fikamena pa fipailo fyabo. Abantu bakalabila ku mpili ati, ''tufimbeniko!'' Kabili na kufyulu ati, ''Tuponeneni!'' ⁹ ''Ishileli, walukukita ububi ukufuma lukoso kunshiku shakwa Gibiya; kwenka kulya eko ukishalilile. Bushe inkondo tayakaba sanganishe abana bakulufyanya mulya mu Gibiya? ¹⁰ Kani nafwaisha, nkabapama. Abantu bakabungana pamo mukubalwisha kabili nkabapensha pamulandu wafibipile fyabo fibili. ¹¹ Efulemu alisambilishiwe bwino koti ni ñombe iyanakashi iitemenwe ukukusula ifya kulya, kanshi nkabika ikoli mumunkoshi wakwe uuweme. Nkabika ikoli pali Efulemu; Yuda akalelima; Yakobi akalu kupumununa umushili. ¹² Libyalileni mwebene ubololoke, kabili keseni ifisepo fya kipangano ikyakine. Pumununeni umushili wenu uyutaunga limwa, pantu impindi iya kubafwaya ba Yawe yafika, bakese bakalokeshe imfula iya bololoke pali mwebo. ¹³ Mwalima ububi; mwakesa ifita fyalolokelo. Mwalya ifisepo fyabufi pantu mwaliketekelile mubwanshiko bwenu mwebene kabili na muba nkondo benu abengi. ¹⁴ Kanshi ikiwowo kya nkondo kikema mukachi ka bantu benu, kabili ne mishi shenu shonse ishamalinga shikonaulwa. Kikaba koti fyenkefi shalimani aonawile umushi wa Beti Abeli pa bushiku nkondo, ili bainabo baonawile pamo na bana babo. ¹⁵ Kanshi kikamoneka nakuli webo, Betelo, pamulandu wa bubi bwenu ubukulu. Pa mpindi ya kumakyamakya imfumu ya bena Ishileli bakaishimañanya lukoso.''