¹ Ili Isuleli ali umwanike, Nali mutemenwe, kabili nali mwitile ati umwana wangi ukufuma mu kyalo kya Ijipiti. ² Lomba fyenka ukulabila kui,'' Mubwingi bwakwitwa, Emubwingi bwa kusantuka,'' Tabalekele ukupana ifyakufutumuna ne fya milambu kuli ba Ishi ba Baal. ³ Nali mishe Isuleli nokuboko nokumweba ukwenda. Lomba tabasumine ukwebati ni nemo na ba Tendulusha. ⁴ Nali batangilile nekuba kambisha nokutenmwa Tali netabo. Nali bekente pabwipi na nemo nalinema nokubalishabo. ⁵ Lomba baliketekele Ijipiti mukifulo kyakubwela kuli nemo; pano abena Silya bakalukuba patangile yabo ukuba tangilila. ⁶ Ubulwi bakaba pepula, kabili nemilanguluko yabo ikafilwa. ⁷ Abntu bangi balukufwaisha ukukana nemo pali Lesa balanguluka achi alikosole, lomba techi abakwashe. ⁸ Isuleli, tekuchi kuleke uya, tekuti kupane, koti kyakatasha shani ukunaula webo fyenka na kitile imishi ya Admah na Zeboiim? Tekuti kikite amalangulushi angi pali webo akosele ubwingi. ⁹ Isuleli, Tekuti afitwe, nekukonaula webo libili, ninemo baShikulu abashilile, tachi muntu lukoso, kabili tekuti fitwe. ¹⁰ Nemo, ba Shikulu, akabuluma koti nikalamu, kabili nabana bangi bakabwela, nokutuma ukufuma kumbonshi. ¹¹ Bakabwela ifisamba koti fyoni ukufuma muIjipiti koti bakiba ukufuma ku Silya penka kababwesha kuñanda shabo. Ninemo ba Shikulu, nalabila! ¹² Isuleli wakubepa kuli nemo, uwaku bufumu kabili Lesa u-ushilile; balashinguluka nobufi, kabili Yuda alapapa ba lesa bambi.