¹ Efulemu alelishi mwela walukungu nekukonka umwela walukungu uwaku Beta kakukilyo. Ali konkenyepo ukubikilapo ubufi ne bulalelale. Bali pangile ikipangano na ishilya ne kusenda amafuta a Olifi ku Ijipiti. ² Ba Yawe na bena bali namufunde alingile Yuda nekumanika Yakobi pafyo akita; bakamu bwesesha pafikitwa fwakwe. ³ Elyo ali munda Yakobi alikwachi umukulu wakwa umwalalume kukashishilo, ne twalalume bwakwe bwalelwa na ba Lesa. ⁴ Alilwile na malaika kabili alikinfishe alilile ne kulomba ukumufwile ulusa. Lelo alisangile Lesa ku bulwi; kulya ba Lesa bali labile naena. ⁵ Aba eka Yawe ba Lesa abamakosa; ''Ba Yawe'' eshina lyabo ilyakubechilapo. ⁶ Pano bweleni kuli ba Lesa benu. sungeni ikipangano alakuketekela ne bukishinka, nekupembela ukutalilapo ba Lesa benu. ⁷ Bakashitisha bali nefya kupiminanko mumaboko abo: balitemenwe ukulilana. ⁸ Efulemi alilabile, '' naikala umunonshi; nasanga ubunonshi nemwine nenka mukukyula kwangi tabakasangepo ifili fyonse muli nemo, fyonse ifikaba bubi.'' ⁹ Ninemo ba Yawe aba mu kyalo kya Ijipiti. Kamilengela mwebo ukuba abatuntulu mumatente, kwachi bushiku ubwakusala peulu pakintu bwingi. ¹⁰ Nalabila kuñanda ishikulu nalibapele ifya kumona ifingi kuli mwebo. mukuboko kwa ñanda ishikulu nali pele ifishimi.'' ¹¹ Mwi ububi mu Gilide, ikine abantu bayanji. Mu Gigo balalambula iñombe ishikulu ishalalume ifya kulamwilapo fyabo fikaba kwachi mutunta walibwe mumbalala yamu bulimi bwamumpanga. ¹² Yakobi alile ku mushi wa Alami; Ishileli aliyanjile pakuchi asange umukashi. ¹³ Ba Yawe balifumishe Ishileli mu Ijipiti kunanga, nakunanga balebalama bwino bena. ¹⁴ Efulemi atalukilamo ba Yawe. pano Bashikulu bakwe bakaleka umulopa wakwe muli ena neku mupilibukilamo ena ukubula ulusa.