¹ Labileni ku bandome shenu, 'Bantu bangi!' Kabili na kunkashi shenu,' Mwabone shiwe nkumbu.''' ² Peleni umulandu kuli inenu, mupeleni umulandu, pakuchi tapalipo umukashi wangi yo - o, kabili nangu nemo shilipo umulume wakwe yo - o. Lekeni afumye ubuule bwakwe kutanshi yakwe umwine, kabili ne bukekemenshi ukufuma pakachi ka mabele akwe. ³ Kani yo - o, kamufimbula ubwamba bwakwe, kabili ne kumulangisha ubwambwa bwakwe kwachi nipa mpanga, kwachi ni kyalo umushisangwa menshi, kabili ne kumulenga ena ukufwa na kilaka kya menshi. ⁴ Shakabepo nkumbu pa bana bakwe, pakuchi bana baliule. ⁵ Pakuchi inabo ali liule, kabili ne wabafyele alikichile ifyansoni. Alilabile, '' Nakuleya ku bakambwe bangi, pakuchi balapela mukate kabili ne menshi, amasako angi aamikoko kabili ne bukusa, amafuta angi kabili ne fyakunwa. ⁶ Fyopelefyo kebaka iki kingo ikya myunga ikya kumwisalila inshila yakwe. Kebaka ikibumba ikya kumwimina pakuchi emona inshila yakwe. ⁷ Akabanekukonka abakambwe bakwe, sombi takabasangane yo - o. Akabafwaya, sombi takabamone yo - o. Penka akalabila, 'Kabwekela ku mulume wangi wa kutanga, pakuchi kyali bwino kuli nemo lulya ukukila ifyo kili luno.'' ⁸ Pakuchi taishibile achi ninemo namupela akalyo ka nseke kuli ye, ifaina ya bukumo kabili ne mafuta, kabili ne kufusha kuliye Siliva na Golode, ifi ba bofyeshe kuli Baela. ⁹ Kanshi kabwekesha ne kufumyako akalyo kanseke kakwe pa mpindi ya kusombola kabili ne faina yabukumo yangi mu nshiku yashisho. Kafumyako ne kubwekesha amasako amikoko kabili ne bukusa ifyalebofyewe ukufimba pa bwamba bwakwe. ¹⁰ Penka kamufula ubwambwa bwakwe mu menso abakambwe bakwe, kabili takulipo nangu umo uukamupokolola ukufuma mukuboko kwangi yo - o. ¹¹ Kalekesha ukusekela kwakwe konse - ukulya ne kusefya, ukusefya kwakwe kwa kumoneka kwa mwenshi wabukumo, amaSabata akwe, kabili ne fila fyonse ifyatanchikwa. ¹² ''Konaula amabala afisepo akwe kabili ne fichi fya mikuyu, ifi alabila, 'ubu ebuboni bwangi ubo abakambwe bangi bampele.' kafilenga ukuba iyamba ya fichi, kabili ne nama ya mu mpanga ikafilya. ¹³ Kamupanika ena panshi yakusefya yakwa Baela, eli akokya ubunga kulibo, eli akalikobaika umwine ne mashikiyo kabili ne fyabuleme, kabili nefiaile kubakambwe bakwe kabili nekundubako nemo - uku ekulabila kwa ba Yawe.'' ¹⁴ Kanshi kamukokola. Kamuleta mu mpanga kabili ne kulabila kuliye ne muchima wa kufyele. ¹⁵ Kamubwesesha amabala sfisepo akwe, kabili ne kingululungwa kya Akola ukuba kwachi kibi kya kiketekelo. Akangasuka kulya kwenkwa kwachi ifi akichile mu nshiku ya bwanike bwakwe, kwachi mu nshiku ishiafumine mukyalo kya Ijipiti. ¹⁶ ''Kikaba muli bulya bushiku - uku ekulabila kwa Ba Yawe - achi ukangita, 'Umulume wangi,' kabili tawakangitepo libili achi, 'Baela wangi.' ¹⁷ Pakuchi kafumya amashina aba Baela mukanwa kakwe; amashina abo takenakiwepo libili yo - o. ¹⁸ Pabulya bushiku kalenga ikipangano nabena ne nama ikali iya mupanga, ne fyoni ifya muulu, kabili nafintu ifikalaba panshi. Kafumyamo ubuta bwa mifwi, ikiswi, kabili ne nkondo mukyalo, kabili kalenga webo ukulala mwakelele. ¹⁹ Kalayana ukuba umulume obe umuyayaya. Kalayana ukuba umulume obe mu bulungami, bupingushi bwa kine, lulayano lwa kishinka, kabili ne nkumbu. ²⁰ Kalipela nemwine kuli mwebo mu bukinshinka, kabili mukeshiba Ba Yawe. ²¹ Pabulya bushiku, kakwasuka - uku ekulabila kwa Ba Yawe - kasuka ameulu, kabili kasuka ikyalo kya panshi. ²² Ikyalo kya panshi kikasuka akalyo kanseke, ifaina ya bukumo kabili ne mafuta, kabili bakasuka Yezeleli. ²³ Kamubyala ukuba wangi nemwine mu kyalo, kabili kabonesha inkumbu pali Lo - Luama kalabila kuli Lo - Ami, muli bantu bangi.' kabili kalabila bakalabila kuli nemo, 'muli Ba Lesa wangi.'''