Kyapita 3
1
Ba Yawe balingebele achi, ''Kabiye libili, ukamutemwe umwanakashi, uyo batemenwe kumule wakwe, lomba ye ni nkende. Ukamutemwe koti fyenkafyo nemo, Yawe, ntemenwe abena Ishileli, nangu balamfutuka nokwalulukila kuli tu ba lesa tumbi nokutemwa tumikate utupapakene utubasalwile bwino pamo ne fisepo ifyumine ifinunkile bwino.''
2
Penka nalimushichile ukwebati abe wangi ne ndalama isha Siliva ikumi limo na shisanu kabili ne mifuko sha bunga ubuweme ubwa mbale.
3
Nalimwebele ati, ''Wikale na nemo inshiku ishingi. Tawakabepo uli nkende nangu ukubapo nomwalalume umbi yo - o. Fyenkefyo na nemo, nkaba na mwebo.''
4
Pakuti abena Ishileli bakekala inshiku ishingi ukwakubula imfumu, ikilolo, ikitapisho, ishiki lyebwe, akakufwala akakulikobeka akabuñanga nangu utulubi utwa muñanda.
5
Pantanshi abena Ishileli bakabwela nokubafwaisha ba Yawe ba Lesa wabo na Dafiti imfumu yabo, kabili na munshiku shakupelako, bakesa kabalukututuma kuli ba Yawe kabili nokuwama kwabo.