¹ Ifi fyonse walifibikile Pamuchima wangi, ukufileta apatubile, kabili ne nkapwisha nachi abo abalungeme kabili nebamano, kabili nafyonse ifyo bakita, ifili mumaboko aba Lesa, sombi tapali uwishiba kani mutende nangu lupato lulu kumupambelela ye. ² Bonse lukoso filelola mukupwila pamo, ukupwila kwa bantu abalungami kabili nembifi, nebali bwino, ababusaka kabili nebasali; kabili nebapela umulambu kabili nabalya ababula ukupela. Filya bakafwa abali bwino, fyopelefyo nembifi nasho efi shikafwa. Filya abalapa bakafwa, fyopelefyo nemuntu uyo uchina ukulapa. ³ Kuli ukupwisha ukubi pali fyonse ifyo fikitwa muushi yakasuba, ikintu kimo kilaba nekukitwa kuli bonse. Imichima ya bantu iliswile nekubifya, kabili nekufunta kuli mumichima yabo ili nakikele nemweo. Sombi panuma yafifi eli baya kubafwile. ⁴ Onse ukalibamba na bonse abali ne mweo ali nekuchitekela - kanshi nembwa iyumi yawamapo ukukila napankalamu ifwile. ⁵ Pakuchi abo abali abalabi balishi achi bakafwa, sombi abafwile tabeshipo neli kantu. Tabakwetepo nemulambu uuli onse koku pakuchi amalangulushi abo alubikwa. ⁶ Ubutemwe bwabo, ulupato, ulumbwa filipwile kale. tabakabepo nenkende libilimmuli fyonse ifikitwe panshi ya kasuba. ⁷ Koya, ulukulya ifyakulya fyobe kosangalele, kabili unwe imfaina yobe nemuchima watuseko, pakuchi ba Lesa bafisuminisha ifyo ulukukita. ⁸ Ifyakufwalo fyobe nkafitube inshiku shonse kabili umutwi obe asubwe amafuta. ⁹ Koikala nekumfwila bwino nemukashi uyo utemenwe munshiku shonse ishi ishamyeo walukoso isho ba Lesa bakupela webo munshiku ya kasuba - shonse nshiku shobe ishalukoso. ¹⁰ Ifili fyonse ifyo ukuboko kobe kusanga ukukita, kofibomba webo nemakosa obe, pakuchi tapalipo imilimo neli kulondololala neli kalango neli mano mu Sheoli, uko ulukuya. ¹¹ Nalimwe fimo ifyakwimika amano munshiku yakasuba: ukukila nekukilika mulubilo takuli kulibabo abalubilo. Inkondo tekulibabo aba makosa. Ifyakulya tekulibabo abamano. Ububile tekulibabo abantu bakalango. Sombi, impindi kabili nefitumonekela filabakichikila bonse abo. ¹² Fyakine, tapalipo neli umo uwishi impindi yakwe ili ikesa, kochi filya amasambi ekatwa mukombe kakufwa, nangu ifyoni fikatwe mukakose, abana ba bantu baliketwe mufyakubifya ifya mpindi ifyo ifibaponena ifiswalamuka. ¹³ Nalibwene kabili amano munshila ya kasuba munshila iyo nmweikulu kuli nemo. ¹⁴ Kwalipo kamushi kanini umo mwali abalalume banini lukoso, kabili nemfumu iikulu kaitula ubulemo aka kamushi, yo imfumu kaishinyuluka aka kamushi kabili nekubakila imikika iikosele iikulu aka kamushi. ¹⁵ Penka umo muli kaka kamushi kamuboneka umupengele, umwalalume wamano, uyo ye kumano akwe kapulusha aka kamushi. Panuma yafifyo, takwalipo neli umo umuntu uwamwanukile, uyo umupengele umwalalume. ¹⁶ Nemo nkamba nekupwisha,'' Amano alikililepo ukuwama ukukila napamakosa, nangu nifyo amano amupengele alipufiwe, kabili nemashiwi akwe ye taumfwikilepo koku. ¹⁷ Amashiwi abantu bamano ayo balabila bena kalele alomfwikapo ukukilapo ukubilika kwa uli onse uwakwikalika nekutangilila pa bantu ifingulungulu. ¹⁸ Amano alikililepo ukuwama ukukila napafyonse fyabulemo, kabili umuntu lukoso umo imbifi kochi aonaula ifiweme ifyakuchi ubwingi.